...[(حياتنا بالوانهم)]...
![...[(حياتنا بالوانهم)]...](http://www.wz63.com/up/uploads/583dad2fd2.jpg)
صبّـحكم / مسّـاكم ربـي بالخيـر . . وكل الحب اخواني و خواتي
اشتاق القلم ان يخط عباراته كـي تستمتع عيني . . ويفرح قلبي بمروركم وتعليقاتكم .
هو موضوع . . أخذ من التفكير اسبوع . . و احترت فعلا . . أين اضع موضوعي وبأي قسم . .
ولم أجد افضل وأنسب من هذا القسم . !
ملاحظـه مني قبل أن تغوصوا بين أمواج كلماتي . !
موضوعي عباره عن رموز حيّه لأناسٍ هم لنـا قريبون . . فليس لموضوعي أي صله شخصيه بأحد معين . ! ^_^ فـهو بصيغه عامه
| ! [ حيـاتنا. بألـوانهم ] ! |
خُلقنا على وجه الارض . . بلا ألوان نتميّز بها .
فهم من خلقوا لنا تلك الالوان . . ونحن من نعشق بعضها . . لنعكر صفو الاخرى .
حياتنا في الصغر . . حين لم يكن لنا غير . [ الاسم . الملامح ] لكـي يميزونا عن غيرنا من الاطفال .
فكنـا كتلك اللوحه الجميله . ولكن . بلا الوان .! وتمر بنا المراحل لنتلون . . ونختلف بشتى الالوان عن غيرنـا ^_^ من هنـا يبدأ موضوعي . .
-----
فـي هاي الصوره . . اللي هي رمز . . لكل طفل . . ولكل واحد منا . ملامحنا محدده . . واسمنا صار معروف . . ولكن ما نعرف ولا الغير يعرف . . كيف بنكون في المستقبل .. وباي لون بنستوي .!
![...[(حياتنا بالوانهم)]...](http://www.wz63.com/up/uploads/38caf87f91.jpg)
الوالديـن . . والقرايب . امثال اليد واليده . العم والعمه . حتى الخال والخاله . !
هم مثل الالوان العريضه في حياتنا .. اللي يحددون لنا قواعدنا ومبادينا
![...[(حياتنا بالوانهم)]...](http://www.wz63.com/up/uploads/bc34a543cb.jpg)
و الناس اللي حولنـا . . وايدين .. ما نعرف الزين منهم والشين ..
لهم في حياتنا تأثير . . اللي نشوفه ملتزم .. يخلينا نفكر بحلاوة الايمان . ونتوق باسبابه للآخره . . وذاك اللي ملتهي في حياته . . بلحظات ضعفنا نقول يا حلاة هالحياه المرفهـة =) . . وجذه مجتمعنا .. الصالح فيه والطالح
![...[(حياتنا بالوانهم)]...](http://www.wz63.com/up/uploads/4e81633b1f.jpg)
أصدقـائنا . . اخوانـا فـي هالدنيا الفانيه . !
البعض منهم يكون مثل الاكسجين في حياتنا . . ما نروم بدونه نعيش يومنا . هو الرفيق وهو الاخ وهو الونيس في الوحده. !
و البعض الاخر مثل السم القاتل .. بكل برود يتسلل لحنايا الجسد . . عسب فجـأه . يخلي هالجسد اللي ضمـه . . يخـر في محـله . . ويموت
![...[(حياتنا بالوانهم)]...](http://www.wz63.com/up/uploads/ee5c1257c7.jpg)
أمـا المستقبل [ شريك حياتنـا ] . . له الف لون ولون . . مرات باسبابه نشوف الدنيا اروع من الروعه . . نعشقها ونحبها .. بس لانه هو موجود فيها . !
وأحيانا . . نحس الدنيا تكتم علينا بقسوتها . . لانه هالحبيب زعلان علنا . . متضايج . . او حتى الحياه وياه صارت غريبه وممله . .
![...[(حياتنا بالوانهم)]...](http://www.wz63.com/up/uploads/827172fbe0.jpg)
العـذال . . ورفقاء السوء . وبعض القلوب السودا في مجتمعنا . ناس بالفعل تحس فيهم بسوداويه . غريبي الاطوار . . ما يبون في هالدنيا غير تعكير صفو بعض العلاقات . . او تشويه سمعة بعض الامور .! هالناس في اغلب الاحيان يخلونك تطيح من عين نفسك .
![...[(حياتنا بالوانهم)]...](http://www.wz63.com/up/uploads/3ad96f2cac.jpg)
الأطفال . . منو منـا ما حلم بياهل . . يشل اسمـه . . وملامحه و صفاته . .
ياهل نعوض فيه اللي خسرناه فـي طفولتنا . . ندلعه وندلله . . ونعلمه ان الحب شي اصلا موجود بنفوسنا . ما يحتاي نتريـاه من الغير . . ونردد فـي خواطرنـا [ ليش انا ما يحبوني ] .
![...[(حياتنا بالوانهم)]...](http://www.wz63.com/up/uploads/d411d36624.jpg)
وهـذا مجتمعنا حبايبي . . خليط بين العائله . الاصدقاء . العذال وضعاف النفوس . الاحبه . . والمستقبل الواعد
![...[(حياتنا بالوانهم)]...](http://www.wz63.com/up/uploads/396ddb4276.jpg)
بدت مرحله تلوين حياتنا . . اللي تبدا من الوالدين . . والمحيط العائلي بشكل عام . هم اللي يحددون لنا سلوكنا . ويخلونا فـي حدود نعيشها طول العمر . كالدين والعادات والتقاليد
![...[(حياتنا بالوانهم)]...](http://www.wz63.com/up/uploads/4242f4f78f.jpg)
طبـعاً . . العذال من صغرنا هم موجودين . . منهم رفقاء السوء . . ومنهم اللي يحط في بالنا افكار غير عن اللي ربينا عليها .. ! هنيه تخترب الصوره اللي انكتب لنا نكون فيـها .
![...[(حياتنا بالوانهم)]...](http://www.wz63.com/up/uploads/dd5ea7aab1.jpg)
و لكن . . اغلب الاحيان .. نقدر بالاطباع اللي رست فينا . . والاصول اللي تربينا عليها نمسح هالافكار اللي تشوه افكارنا .
![...[(حياتنا بالوانهم)]...](http://www.wz63.com/up/uploads/e49039f9e0.jpg)
هنيه تبدأ مرحله دخول الاصدقاء حياتنا . . فتزيد الوانا نور وحبور . . نلقى فيهم الصدق ونعرف الحب . . هنيه تبدأ حياتنا بالنضوج . فنعرف انه الحياه بالوانهم أحلى.
وبعدهـا . . نشوف العشق . . ونتعلم فنونه على ايد الشخص اللي تنكتب لنا الاقدار نعيش وياه . ويصير المستقبل اللي ما يكتمل الا ويـاه . [ شريك الحيـاة ]
![...[(حياتنا بالوانهم)]...](http://www.wz63.com/up/uploads/593e489be1.jpg)
أمـا الاطفال ومستقبلنـا . . هم اللي يلونون لنا الشي البسيط بألوان حلوه و مليانه فرفشه ومرح . . ولكنها اكبر في نفوسنا .
هم اللي نكون مسؤولين عنهم جدام رب العباد . . فنحاول بقد ما نقدر نحسن لهم . . عسب نلاقي الاحسان بالمثل
![...[(حياتنا بالوانهم)]...](http://www.wz63.com/up/uploads/77e092e1b8.jpg)
اكتملت حياتنا . . وتلوينها بالوانهم زادها نور و جمال . . هنيه الانسان ينفند عن غيره .. بالالوان اللي تشكل فيها . وهنيه الانسان ينعرف من حيث الوانه .. اللي اقصد فيها .. افكاره و اطباعه و تجاربه في الحياه
![...[(حياتنا بالوانهم)]...](http://www.wz63.com/up/uploads/45916df6b1.jpg)
ولكن . . همستـي الاخيره . . لازم نخلي لكل شي حدود . . ! وما نبعثر هالالوان اللي خذناها منهم فـي حياتنا . .
![...[(حياتنا بالوانهم)]...](http://www.wz63.com/up/uploads/0ed6313296.jpg)
-----
أعزائـي . .
هي حروف قليله . . وهي معاني قد تكون ضعيفه . . ولكن . . بالفعل نحتاج لتلك الوقفه لنعيد تلوين حياتنا . . بألوانهم .. فلا نأخذ منهم الا الطيب .. ولا نترك الا الشئ الذي لا ينفعنا بل يضرنـا .
احبائي . .
لا يسعني هنا الا ان اسألكم ان تصفو النفوس وان تراجعو قراراتكم في الحكم على الاخرين . . فهذه الدنيا لحظتين . . فيها نحزن و الاخرى نفرح .. فلا تجعلوا الحزن بعيد عن من تحبونهم ولا الفرح الا في وسط حناياهم ..
هنـا . . فـي موضوعي . . اعتذر . . بل شديد اعتذاري اخطه هنا . . لمن أسأت اليهم . . ومن أخطأت في الظن بهم . . و هنـا بالمثل . . أسامح كل من زلّ بكلمة او اساء التصرف الـي . . فهنـا انوجدنا لنكون اخوه . . والوانكم بالفعل زيّنت حياتي ولن انساها ما حييت ^_^
تحيتـي لكم ....
اختكم::
°ˆ~*¤®§(*§*)§®¤*~ˆ°هلاليه للقبر°ˆ~*¤®§(*§*)§®¤*~ˆ°
ملاحظة:: الموضوع باللهجه الاماراتيه من حبي لها
![...[(حياتنا بالوانهم)]...](http://www.wz63.com/up/uploads/1ba0b5f609.jpg)
>>>F(pdhjkh fhg,hkil)D>>>
]
التعديل الأخير تم بواسطة هلاليه للقبر ; 25-10-2007 الساعة 04:02 PM