منتديات الأماكن - عرض مشاركة واحدة - عاشق سراب اكبر مروج علوك

14-04-2006, 12:36 PM

المشاركة 12

المصرقعة

عضو يفوق الوصف



سالخير تسيف الحال

في احد الليالي او في احد الايام والله ما ني ذاكر بس المهم ان السالفة قديمة يعني اقدر اقول ايام المراهقة والدجه المبرحة >>>>>>>>> تكفى يالشايب

جت ذيك الليله وكان بكرة مدرسة وتوي ناجح من اول ثانوي بالدف لا والله مو بالدف الابالشوت المهم يوم نجحت بالشوت طبعا بالدور الثاني وكان عندي رياضيات فصلين وانجليزي فصلين>>>>>>>>>>>> كان جيتني ادرسك تراي احسن مدرسه >>>>> مصدقه نفسها واااااااااااااااااجد تراي ما احب التدريس واللي بيطيح بين ايديني وما يفهم اللي اقوله اقرب نعله ولا كتاب ولا أي شي ما تتوقعه بيجيك فخل دفاعاتك جاهزة لتلقي أي ضربة >>>>>>>> عيال اخوها ما سلموا منها

وذا قبل تقريبا سبع سنوات
ههههههههههههههه كشفت عمرك خخخخخخخخخخخخخخخخخ يعني عمرك يتراوح بين 23 و 24 واذا كثرت 25 هههههههههههههههههههههههههههههه

قبل الدراسة بيوم وانا تقول بزر اول مرة يدرس
يارب وش بيصير بكرة يا الاااااااه بيحطوني مع اصدقاي ولا لا اوف وشلون بدرس المدرسه بتصير حلوة ولا لا
وخذ انواااااااع الهواجيس
وطول الليل وهو تفكير في تفكير
تراك مو لحالك تهوجس حتى انا قبل لا ادخل الكليه قلت وش لون بتصير بانسجم ولا لا ويوم رحت اول يوم يقالي هاديه وطاقة الثقل واول ما تكلمت مع وحده قلت لها ما سمعتي اخر نكته حتى قبل لا اعرف اسمها قامت ناظرتني ببلاهه كانها تقول انهبلت ذي ولا وش السالفه و تحمد ربها علي والله و ما كذبت خبر ما جا اخر اليوم الا وانا طاقه صداقه مع 10 ما ادري اكثر من البنات قاللي ابوي يوم سالني عن اول يوم لي بالكليه وش سويتي قصيت له اللي صار قال ماشاء الله عليتس لو اني مكانتس كان ما قدرت اصادق واحد بس ما يدري ابوي ان بنته ذيبه وصادقت الدكتورات وحطيتهم في جيبي الصغير بعد ووحده منهم صار لي موقف معها يوم جينا بعد العيد ويقالي باسلم عليهم وجايبه معي عيديات لدكتوراتي >>>>>>>>>> شف النفخ بس
المهم ويوم جيت اسلم عليها عاد انا باصافح ما لي خلق تبوس لاني قبلها شبعت واكره ما عندي في اول يوم رجعه بعد غيبه عن الكليه انه يكون يوم التبوس العالمي المهم ويوم صافحت الدكتورة الا وامصعتني واسحبتني بتبوس وانا وجهي قلب احمر واخضر واصفر وكل الوان الطيف المهم وانا اناظرها منبهرة وبعدها طقتني اللي بجنبي عشان انتبه والحمدلله عدت على خير >>>>>>>>>>>> حشى قصت قصة حياتها ههههههههههههههههههه

واصبح الصبح يغني وقمت فازعا كالعادة يماااااااااااااااااه وين شماغي
يا سينيا جبي هذا شراب وكنادر
يمه يمه تكفين ثوبي ثوبي معفول اكوييييييييه
سينيتيا لا مو كنادر كورة وين مخ انتى انا ابي كنادر جزمه وشلون افهمها هذي هذا لون بني كذا شكله حلو ===> يمدح نفسه
ايه يمه حلو باقي مفتاح السيارة وينه جبيه من عند ابوي مفتاح الهايلوكس ايه
لا ما ابي الفياجرى ابي الهايلوكس ===> من زين التواضع
اما بالنسبه لي فاجيك طايره اروح واغسل وجهي
وبعدين اصوت ماما سومارتي غسلت وكوت المريول ترد ماما ايه
وارد لا ماما شوفيها ما كوته زين ونسوي دراما نحاول نعصر كم دمعه وتقول امي ولا تزعلين الحين اخليها تكويه وتروح تكويه سومارتي
وانا انطلدز ادور الشوز ولازم ابحث عن الشراب وعلى ما لقيت المذكورين سابقا >>>>>> الشوز و الشراب
تكون سومارتي خلصت وانا اروح اصلح شعرتيني بعد ما البس ويقضي يومي على هذا واروح

يعطيك العافيه اخوي عاشق وانتظرو مواقفي بالكليه راح انزلها على المنتدى
وسلامتكم