الموضوع: ظاهره تحتاج لحل
عرض مشاركة واحدة
احصائياتى

الردود
3

المشاهدات
840
 
املاك
عضو ابدعنا بحروفه

املاك is on a distinguished road

    غير متواجد

المشاركات
607

+التقييم
0.09

تاريخ التسجيل
Mar 2006

الاقامة

نظام التشغيل

رقم العضوية
1586
17-04-2006, 11:00 AM
المشاركة 1
17-04-2006, 11:00 AM
المشاركة 1
ظاهره تحتاج لحل
احب اطرح عليكم هالموضوع واعرف رأيكم فيه هو لو تبون تراه ظاهره منتشره في كل مكان حولنا المجمعات والأسواق وكل مكان بالدنيا ..الظاهره ألا وهي التسول أو ظاهرة اللي يدوجون يبون فلوس يعني الطلابين بمعنى أصح...هذول اللي لاشغل ولا مشغله وانا شخصيا تعرضت لمواقف كثيره اذكر لكم موقفين : الموقف الاول يوم كنت رايحه عمره من فتره كنت نازله من الفندق للسوق مع أختي ويوم جيت ابي ادخل الصراف اصرف فلوس والا هذي جايتني بنت صغيره بعباتها والشال على كتوفها >>مادري اش لزمته هههههه
المهم جات تبي فلوس وطلعت عطيتها ومشت عني ..اشوي ولا جاتني الثانيه تبي فلوس ..ولا اقولها انتي مو كن توك جيتي وعطيتك؟؟ كان تقولي لأ هذي بنت عمي قلت لها انتي تضحكين علي توني عطيتك ولفيت وجهي على اختي ولا تصرخ انتي تبغين تعطيني ولا لأ الحين؟ هني انا عصبت وحمقت هالبزر تصرخ علي..طيرت عيوني عليها قلت لها لا ترفعين صوتك لا اقسم بربي أعطيك كف اخربط وجهك..واختي تمسكني من ايدي تبيني امشي وخليتها ومشيت عنها كأن تبي اعطيها بالقوه..>>مالقت تتناشب ألا معااي انا هههه
المهم: هذا موقف
الموقفلا الثاني انا كنت رايحه مره السوبر ماركت مع اختي المهم وصلنا قلت لها انزلي وانا بأنتظرك في السياره ونزلت وشوي ولا اشوف وحده جايبه معاها قطعة كرتونه وجات تبسط على الأرض وبيدها كيس مدري اش فيها المهم انا اراقب الموقف من السياره وكل من جأ عطاها فلوس وهي محتاره بهذا الكيس ماتدري وين توديه..شوي ولا تقوم وتشيل اغراضها ولا يطيح الكيس من ايدها..تدرون اش فيه هالكيس؟ طاح من داخله على الأرض علب ميرندا وسفن اب واكياس شبس! هذي على اساس انها ماعندها فلوس!! والله ناس غريبه عجيبه
ولا والحركات الجديده الحين بالأسواق يجي لك واحد مايتكلم بس يبتسم وبيده ورقه عن حالته الصحيه..هذاك اليوم صادفني بالسوق مرتين لعنبو داره مايمل ولا يتعب وين ماروح اشوفه عااد قلت له دامك ماتسمع ولا تتكلم ابعرف اشلون جيت من ديرتك الى هنا!!>> هو هندي
وجه انقلب مية لون ورااح ههههههههه

وبس:

ابي رأيكم

بااااي
الموضوع الأصلي: ظاهره تحتاج لحل || الكاتب: املاك || المصدر: منتديات الأماكن

كلمات البحث

الأماكن , الاماكن , منتديات الأماكن , اسلاميات , صور اسلامية , سياحة , سفر , المرآه , سيارات , فيديوهات اسلامية , برامج , صور , عالم الحيوان , جوالات , اتصالات




/hivi jpjh[ gpg