انــواع الشبــاب عنــد الاشــاره !!
::: النوع الاول :::
وهو الي يستغل وقته ويرتب سيارته ويفتح دروج السيارة ويعفط في هالفواتير ويرميها في الشارع ,, وفجأة ما تدري إلا وهو ناقز في المرتبة اللي ورا يرتبها .... .... ولا تستغرب إذا شفته ناط في شنطة السيارة (( الرجال مرتب )) ؛؛ وتنفتح الإشارة والأخ مشغول في التنظيف !!
::: النوع الثاني :::
وهو اللي تقول توه يكتشف إن وجهه محتاج تنظيف ,, ويسحب في المناديل وعلى خشمه ,, وإذا خلص طفى السيارة علشان ينظف إذنه بالمفتاح (( قصده شريف )) وشوي ويقص أظافر يده ..... وما تدري إلا وهو مرفع رجله يقصها ؛؛ هذا إذا كان معاه مقص أظافر 00 وإذا ما كان موجود 00 فالحل موجود طبعاً ................. يقص أظافره بواسطة أسنانه (( قمة النظافة )) !!
::: النوع الثالث :::
وهو أكثر واحد يفرح إذا وقف عند الإشارة ؛؛ علشان يبدأ يستعرض ويرقص ويردح هو واخوياه ويرقصون السيارة معهم !! >>>>>> أنوااااااااااااااع الفلة
::: النوع الرابع :::
وهو عكس اللي قبله ... وهو اللي يشغل شريط خالد عبدالرحمن وأنواع التغلق والحزن ,, وطبعاً الأغنية من كثر ما هي قديمة تشك إنه مغنيها قبل توحيد المملكة ’’ ويكون وجهه مورم من الصياح !! ’’
::: النوع الخامس :::
وهو اللي تقول توه مكتشف إنه أبو .. وما تسمع غير هواشه وتلعينه على بزرانه اللي مالين سيارته ,, وما تدري إلا وهو ساحب العقال ومخرب التشخيصة (( يستعمل أساليب التربية الحديثة )) ويرجمهم بكراتين المناديل اللي ماليه السيارة ؛؛ والفضل يعود لمحطة البنزين .. لو تمر جنبهم عطوك منديل هدية !!
::: النوع السادس :::
وهو اللي يستغل الوقت ويجلس يشخص ويرش عطر وشوي إلا يحط روج ومشغل شريط (( سيلين ديون )) مسوي جو أجنبي وأنواع القز في السيارات اللي جنبه !!
::: النوع السابع :::
وهو اللي إذا شفته ترحمه ,, وتقول : " ميت من الجوع " ؛؛ وتشك إنه جالس في مطعم مو في سيارة ... الرجال ماسك الهمبرجر بيد والببسي والبطاطس بيد والشاورما في حضنه والفطاير جنبه والبيتزا في المرتبة اللي وراه .. ولا تستغرب لو شفته داب في مفطح !!
::: النوع الثامن :::
وهو اللي تحس إنه ما عنده وقت أبد ....... ودايم بزي ,, ولابس نظارة وخاتم ومبحلق في الجريدة ؛؛ ومسوي زحمة في الشارع .. واللي جنبه طفشان ومشتغل مسجات بالجوال !!
::: النوع التاسع :::
وهو اللي سيارته زحمة ... مو ناس ... لا ... ما خلى ثوب ولا شماغ ولا بدلة ولا جزمة حتى الشراب إلا ومركبها (( الله يكرمكم )) معه ؛؛ عشان يكون تبديل الملابس أسرع عند الإشارة ....... حتى البطانية جايبها وما خذها معاه >>> تعرفون الجو متقلب !!
::: النوع العاشر :::
وهو إذا كان سواق طبعاً ’’ الضعيف متعلق فى الدركسون ’’ والإبداع يكون وراه عند المدام وأخواتها ,,,,,, وأنواااااااع السواليف والحش ... ولما يكونوا توهم طالعين من السوق 000 كل وحده تطلع مقاضيها وتوريهم ... شوي إلا وهي متحمسة .. وصاقعة السواق برجلها >>>> الأخت معذورة ,, جالسة تقيس الجزمة الجديدة !!!!!!!!
ودحين ابقول لكل شااااااااب او فتااااااه اي من الانواع الانسب او الاكثر
تشوووفهااااااا في الشووووارع
hkJJ,hu hgafJJhf ukJJ] hghaJJhvi !!