الموضوع: قصة سارة (حقيقيه)
عرض مشاركة واحدة
قديم 17-05-2006, 11:14 PM
المشاركة 18
الصورة الرمزية ... غ ...
... غ ...
عضو عطرنا بِــشذاه
  • غير متواجد
السلام عليكم ورحمة الله وبركاته

أول شيء أهني الكاتب اللي ألف هالقصة الملفقة

مجانين احنا نصدق كلام زي كدا ؟؟؟

وإن طلعت القصة صح وهدا مستحيل بالنسبة ليه

فما أقول غير ((( جــنــت عــلــى نــفــســهــأ بــراقــش )))

ما شاء الله مين دا الولد اللي يقلي تعالي بس أشوفك وامشي

لا وكمان ما تعرفه وتروحله شقة ؟؟

هبلة دي والا مجنونة والا بايعة نفسها ؟؟؟

وسبحان الله قبل ما تموت بالضبط حكت صحبتها هدا وهيا ليها مدة ما ترضى تحكي

وبعدين الحكومة ماهي لعبة

يجي واحد يقول شفت مخدرات عند فلان طبوا عليه

لازم يراقبوا البيت

وهدا غير انه المكالمات اساسا مراقبة

سبحان الله ما انتبهوا المباحث للمخدرات

باين النصب فالقصة

انا قريتها قبل كدا وما خشت مزاجي

وبافتراض انها صحيحة

البنت طالما عفيفة ليه تكلم الرجال ؟؟؟

ليه ما تشتكي بابتها ؟؟؟

طيب تشتكي الهيئة مادام قلبها على قلب بابتها وشايلة همه

القصة كلها تناقض فظيع

وحدة تحكي زميلتها كل شيء

غير كدا زميلتها من أيام الطفولة

ما تحكيها مصيبة زي هادي ؟؟؟

لا وكمان تروح بيت غريب

وكمان مخزنة أرقامهم فجوالها وبأساميهم

الله الله عالتربية والأخلاق والجرأة

ولو كانت صحيحة ففيها شيء ملفق

أو احتمال يكون واحد حاقد على فلان وفلان

أو وحدة كانت تعرف واحد من هادول وتركها

قاموا بينتقموا


طيب البنت بنفسها راحت للأولاد

تستاااااااااااااااااهل

شرفها مو لعبة عشان تجازف بيه

ومو شيء غريب انه يكون المكان صحيح

طيب يعني انت ما تقدر تمر هناك او من اي مكان وتاخد اسم شقق مفروشة وعنوانها

وتقول شفت فلان دخل فلانة معاه هنا ؟؟؟

ترى مو اي كلام ينقال يتصدق

خصوووووووووووووصا الكلام اللي فالانترنت

لانه الاشاعات فيه بتتنشر بشكل رهيب

طيب والعمل ؟؟؟

نجيب هادول الصيع واش نعمل بهم ؟؟؟

نمسكهم على اي اساس ؟؟؟

اش يثبت انهم من جد اغتصبوا فلانة؟؟؟

نطلعها من قبرها ؟؟؟

شهادة صاحبتها ما تنفع لو ايش صار

لانها ما كانت حاضرة الموقف

ولانه مافي شهود

الدنيا ماهي فوضى

دوروا على فلان وقدموه للشرطة

وعلى علان وودوه الشرطة

هدا سرقني اقطعوا يدي

هدا قتل امي قصوا رقبته

عموما انا دا رأيي اللي أضيفه على الكلام اللي قاله شمالي

ومن جد مالها تفسير غير انه واحد بيشوه سمعة هالأشخاص

زي اللي بيعملوه بالبلوتوث

وألف شكر لك أخوي عاشق

بس اتمنى تفكر شوية وتقرا القصة بجدية اكبر

وانسى انه مكتوب عليها حقيقية

واتخيلها

كلها تناقض ولف ودوران

أكرر شكري لك أخوي عاشق

واتمنى ما يكون زعلك كلامي

بس كل واحد ونظريته وطريقة تفكيره وعقليته

ولك مني جزيل الشكر عالموضوع الرائع


إذا أعجبك موضوع من مواضيعي فلا تقل شكـراً ... بل قل الآتـي ::
اللهم اغفر لها ولوالديها ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن..