منتديات الأماكن - عرض مشاركة واحدة

29-02-2008, 10:42 PM

المشاركة 20

julet

عضو يفوق الوصف



عزتــــــي فوووووق جرحــــي

صدقيني صار عادي لو رحلتي مـن حياتـي
وللأمانه صرتي عندي شي اقدر اخسـره!!

كان اهون عندي انك تضحكي حزت وفاتـي
من خيانه لي مـع شخـصٍ عزيـز آقـدره

الغدر ريحته فاحت ومايبي لغـدرك ثباتـي
كان باين كان واضح بـس مقـدر اجهـره

كان يحلف كان يقسم كان يقولـي لاتحاتـي
وراس امـي ياغلاتـي البعـاد مـا اقـدره

المحاجر متعبه وطول عمـره يقـول هاتـي
بعثر احساسي شظايا والخطـاوي مبعثـره

بالغدر ياما جرحني ويفرح بطعنـه لذاتـي
بس صراحه يمكن اني اقدر بيـوم اعـذره

لكن انتـي يالقريبـه ياصديقـة ذكرياتـي
صعبه انسى كذبتك لي صعبه قلبـي اقهـره

صعبه ادمح ماجرالي وابدا بسرعه حياتـي
وعمري من بعد الدمار قولي كيف آعمـره؟

وقف للحظه ياخلي ودلني ويـش السواتـي
اكتم الوضع واكابر وكـل نـزف آسطـره؟

ولا اقهر عاذليني وانتظر عمري اللي آتـي
وقلبي المجروح منـك بالتناسـي اجبـره!!

لذتي في وحدتي وعزلتـي فيهـا راحاتـي
ومالـي الا قلبـي اللـي بالامـل آصبـره

ماتلاحظ يازماني هو لعين واطي الصفاتـي
وهيّا نفس الطقه يعني من عطاهـا تغـدره

اجتمع شمل اللكاعه والكذب كـل الاوقاتـي
هي (........) وهو غطاها ياخذ وهي تستره

الله يقلعهم بغربـه بلتفـت لـي ولحياتـي
لكن انتي شي عادي شـي اقـدر اخسـره

لاتحاتوني ترانـي ابتلعـت صافـي اهاتـي
واي جرحٍ في خفوقي أقـدر إنـي أكسـره

بس حسافه ضاع وقتي معك وماتت امنياتي
ليت ربي ماكتـب لـي هاللقـا او عسّـره

وياقصيدي ياعضيدي يامجمع لـي شتاتـي
مالي غيرك اشتكيله من بعـد رب اشكـره

ادري كثرت بكلامي من بعد طول السكاتـي
بس لكن ياقصيـدي لـو غلطـت المعـذره

ولو خذى ربي روحي سمّع لربعي وصاتـي
لاتخوّن مـن شـراك وكـل قريـبٍ احـذره

انتهت هذي الحكايه والحياه فيهـا عظاتـي
والله يسترنـي بثوبـي بدنيتـي والآخـره

رد مع الإقتباس