منتديات الأماكن - عرض مشاركة واحدة - يا مجانين اخوي مات !! يا شباب متى تصحون؟!

23-05-2008, 03:23 AM

المشاركة 4

التمساح14



فر اشة منحاشة

قبل لا اقلك رائي بالموضوع بالامس القريب ونحن نتمشى بعد صلاة الفجر اذا بسيارة مرور تطارد شباب معهم جمس والشباب طبعا اظن انهم سكرانين والعياذ بالله المهم دخل مع المخرج والله لا يوريكم المنظر منظر ماكان يخطر على بال احد من اللي كانوا معي ما تشوفون يا جماعة الخير الا الجمس يتقلب كذا قلبه لين يوقف الجمس على التندا ورجل المرور بعد ماشاف المنظر طبعا سوا الاجرائات الازمة وبلغ الدوريات والاسعاف والمطافي طبعا انا كنت من اشد المعجبين بشي اسمه تفحيط لكن بعد ما شفت كذا موقف من المواقف نفس موقف خالد الله يرحمه لكن الحمد لله الله تاب علي واعتزلت المهنة هذي

الا اشوف اللي كان يسوق شاب في مقتبل العمر اتوقع اذا احد يتابع التفحيط يعرفه اسمه شجاع والله لو تشوفون الشاب كيف معلق تمنيت من الله اني ماكنت هناك ولا شفت اللي صار

عارف اني طولت عليكم لكن اعذروني على الاطالة

المهم كانوا ثلاثة شباب هم اللي بالسيارة اثنين طلعوا فيهم بعض الكسور والجروح واما السواق هو الي كان البدي داخل عليه طبعا وبمساعدة رجال الاطفاء قدروا يطلعون شجاع بس حالته كانت صعبة من الشراب الله يستر علينا

وطلع يسب الحكومة والبنات معليش يا بنات بس ذا اللي صار ثمن قام يتشهد مدري وش يبي بحياته توه يعرف ربه توه يذكر انه في اخرة

توه يذكر انه في جنة وفي نار

ما اقول غير الله لا يبلانا ويحمي اخوانا واطفالنا من الضياع

يعطيكي العافية على طرحك الرائع

تقبلي مروري

رد مع الإقتباس