تدري وش الي يقتل الحب بسكــات
يغنيك عن كثر الحكي مجمل ابيات = ومن ياخذ المضمون يلقى الادله
...
...
تدري وش الي يقتل الحب بسكــات = لاصرت في بوحك تحس بمذلــه
...
...
وتدري وش الي يكسر الظهر حزات= لامن عطيت احساس ماهو محله
...
...
وتدري متى تستاهل الطــعن مــرات = لا من خطيت الدرب وانته تدله
...
...
لا تتبع المقـــفي علـــى كل حــالات = بعض الوجــيه الي تقابـلك علــه
...
...
ولا تسال الغالي عن الجرح لا فات = نبش الحكي يـزود الطــين بــله
...
...
طالع فمــن حولــك وتاخذ شهـــادات = مانلتها لو تــدرس الدهـــر كلـه
...
...
ناس (ن) تجر من اسود الضيق ونات = وناس (ن) تقضيها وناسه وفله
...
...
هــذاك شــال هــموم غيــره ولا بـات = وهذاك مايدري عن احساس خله
...
...
احــدن يهيــن اصــله على كل زلات = واحدن تــرومه شيمــته ماتــزلــه
...
...
لا تقول حظي من عنا الوقت قد مات = قل مات حظ الي عناه استــحلــه
...
...
ولا ضاقت الدنيا وعلى الكيف ما جات = اطلق احجاجك ثم توكل على الله
..............
ظـــــــــــــــــــــــــــــل المـــــــــــــــــــــــــــــــــطـــــــــــــ ـــر
j]vd ,a hgd drjg hgpf fs;JJhj