الله
يعين الهجوس أن ذعذع الغربي=لاصار قلبي حزين وحالتي قشرى
لاترفع أعصابنا لو الثمن قربي=العشره اللي مثل شرواك ماتشرى
مادام قلبك تعود مايبي قربي=وقدمت يمناك لاتعطيني اليسرى
العام..وش قلتلي يوم ابتدا حبي=يومني أسري وتمنعني من المسرى
تقول أحبك محبه يابعد قلبي=واقول حبي لك
الله يالخوي ادرى
ماكنت اصدق كلام أعداي يلعبي=بس انت خليت دمعي ينتثر هدرى
خلاص..رح وأبتعد والرزق من ربي=(بكره مع الوقت كل جروحنا تبرى)
والماضي اللي ليا هب الهوى هبي=(مصير الايام تمحي طاري الذكرى)
صبرت لين الايجابي شابه السلبي=ولاعاد لي قيمت(ن) عندك ولاقدرى
خليتني يالقضي في وضعي الصعبي=جبت الهزيمه من الهجران والغدرى
ملكت عقلي..وقلبي..وارتجي طبي=واليوم (عقلي) من اسباب الجفا هذرى
رح بشر اللي يبيك تروح عن دربي=(((قله ترى عرش كسرى حطمه كسرى)))
قله ترى الفرق بين الطيب والغصبي=واضح كما ليلة الظلما من القمرى
وان ضاق وقتك رماد النار يشتبي=مالك سوى تنزل عيونك لنا حدرى
وان زان وقتك تهنابه وأنا حبي=بكره مع الوقت كل جروحنا تبرى