هل تعلم إني من كلامك تعلمت= إن المحبه ماتجي بالسهوله
وهل تعلمت إني في غيابك تألمت=لكن سكت من الحيا والرجوله
وهل تعلم إني يابعدهم تحطمت=والمنتدى بنساه واترك ميوله
وهل تعلم إني ياغناتي تشائمت=إمن المحبه والسبايب خذوله
وهل تعلم إني لاذكرتك تندمت=على كلامن غيرك في مقوله
هل تعلم إنك مافهمتن وسلمت=نفسك لسوء الظن ومن صدقوله
وهل تعلم إني مانسيتك ولو نمت=بالحلم اشوفك وألمحك ياخجوله
وهل تعلم إني من ظروفي تفهمت=إني أشيل هموم فوق الحموله
هل تعلم إنك لو نسيتن فلا شمت=عنك وعن حبن نمى من طفوله
يعني ياسبة ظيقتي لو تكرمت=إرحم عيونن تشتكي من ذبوله

الموضوع الأصلي: هـــل تــعــلــم؟؟؟؟ || الكاتب: بدر عليان || المصدر: منتديات الأماكن

المصدر: منتديات الأماكن