الموضوع: لقـــــاء مـــع شعــــــراء الأمـــــــــــاكن
عرض مشاركة واحدة
قديم 12-01-2009, 02:50 PM
المشاركة 35
الصورة الرمزية خـفـايـا الــرووح
خـفـايـا الــرووح
عضو يفوق الوصف
  • غير متواجد
رد: لقـــــاء مـــع شعــــــراء الأمـــــــــــاكن
أشكرك اختي (عــازفهـ) ع الموضوع الرائع
ولي الشرف بإستضافتك لي ياغلآ

"1"متى كانت أول كتابة لك بالشعر؟
منذوو قديم الأزل << كلها أربع سنوات :d

"2"ماهو أول بيت أو قصيدة اللتي كتبتها بحياتك؟أو ماهو مضمونها؟
مع انها كم بيت ويفشلون..لكن لعيون سوريا بأقولها
يابنت يازينة الصوره = ياللي ثناياك وظاحي
ياسعد من صافقك مره= قبل خطاف الارواحي
وأتوقع انه مضمونها واضح :d

"3"أبيات كتبتها عن موقف طريف+مع ذكر الموقف أن أمكن؟
مره دق علي واحد قبل دوامه للمدرسه ..
طفشااان ومنقرف ..قلت خلني أقهره وأنصحه بهالبيتين

صبحك بالخير يالوجه الفليح = جهز الفسحه وباشر دوام المدرسه
قالوا العراف ما يصح الا الصحيح= كل شخصن يجني أشجار الي غرسه

"4"أبيات كتبتها عن موقف أثر بك(حزين)مع ذكر الموقف أن أمكن؟
مابقول غير اني أنغشيت في نـاس كانوا من أعـز الي يمشون ع الأرض
وكتبت قصيده..بس أكتفي بهالبيتين
قولوا لمن خاوى ينقي خويه=من قبل مايطغى خويه ويغويه
ويحط في باله علومن خفيه=ماسرها الصاحب عن الي يخاويه

"5"أقرب بيت شعر كتبته وهو يعني لك الكثير؟
كل قصايدي ما كتبتها الا وهي تعني لي الكثير

"6"ماهي اخر أبيات كتبتها ألى الآن؟
قله خويك يزهر الخد له حين = ماذاق طعمن للحياة الهنيه
ولاتعلم من مجافاة شخصين = انت وسلاة البال يومك بليه

"7"ماررايك بكتابة العنصر النسائي للشعر؟
الشعر موهبه..وشي حلو وأنا أشجع المرأه تكتب

"8"من هم الداعمين لك بموهبتك الشعرية؟
اخوي الكبير الله يحفظهـ..وعيـال عمي

"9"من هم أول المستمعين لقصائدك دائماً؟
كل من هو حولي عطيته كم بيت :d

"10"من هم الشعراء المفضلين لديك وتعتبرهم قدوة لك ؟
خالد الفيصل..وابن فطيس المري..وناصر الفراعنه
فيه غيرهم كثير لاكن هذولي أحب الشعار عندي

11"قصيدة لشاعر معروف نالت أعجابك ؟
قصيدة لـ خالد الفيصل
الله اكبر كيف يجرحـن العيـون=كيف ما يبرى صويب العين ابـد
أحسب أن الرمش لى سَلهم حنون=اثر رمش العين ما ياوي لأحـد
يوم روّح لي نظر عينـه بهـون=فزّ له قلبـي وصفّـق وارتعـد
لفّني مثل السحايـب والمـزون=في عيوني برق وبقلبـي رعـد
نقّض جروحي وجدّد بي طعـون=قلت يكفي قالـت عيونـه بعـد
وانعطف هاك الشعر فوق المتون=وانثنـى عـوده وقفّـى وابتعـد
أشغلتني نظـرة العيـن الفتـون=حيّرتنـي بالتـوعّـد والـوعـد
هي تمون العيـن والا ماتمـون=لى خذت قلبـي وقفّـت ياسعـد


"12"بصراحه مارأيك بنقد وأهميته بشكل عام لشاعر،وهل تتقبل النقد ؟
النقد أتقبله بصدر رحب من نـاس فاهمين..لعل وعسا أتعلم من أخطائي
لكن البعض يجيني ويسويلي فيها وهو توه طالع من بطن أمه عاد هذا أعطيه في وجهه

"13"أختار أي من الصور واحدة وكتب مايناسبها من الآبيات من تأليفك أنت
سواء تم كتابتها سابقاً أو جديدة عن الصوره؟


حر وله تفضيل عند الجماهير
جبار له عاتقن ما مثله طير
لأجل شوفته يصفون له طوابير
عزيز وشامخ لاما شـابهه الغــير
والمعذره ع هالأبيات السريعه الي ماوفته حقه ولا حقكم..بس مابي أتأخر عليكم بالرد

وأشكرك مره ثانيه خيتووو...لاهنتي ع الموضوع الرااائـع

مودتي لكم

سي يوو..