عزالله أني أفتخر فيـك وازود = لاشفت سهم المرجله فيك زادي
ترا المراجل مالها حد وحـدود = مفتوحتن للي يريـد ازديـادي
حذراك ثم حذراك عن كل منقود = يثر على سمعتك بين العبـادي
تراك تمثل لابتن جـد وجـدود = معروفتن بالطيب حضر وبوادي
هذي وصاتي قلتها لك فالجـود = جعلك موفق يم درب الرشادي

أوصيك لاتخطي على الناس ياسعود = الميـل والعيـلات مابـه فـوادي
جنّب عن النمّام وعلومـه السـود = عن سوّتن بالنـاس خلّـك حيـادي
خف واحدن يكفيك عن كل معبـود = اللـي خلـق جنّـه وللنـار وادي
ولاتشتكي للناس لو انـت ملهـود = الي شكى للناس مخطـي وغـادي
وصلاة ربّي عـد ماذعـذع النّـود = على الرسول اللي سعى بالرشادي

هب القصيد وجاتني ريحة العود = من صوب شيخن نرتكد له ركادي
كز القريح وطلبته مني الجود = والجود ساسه والفخر من حصادي
لاكن على الله يمحي افعالنا السود = والكل يخطي والخطا شي عادي
سهم المراجل مختفى فيه موجود = بدخل واساهم وانتميله وكادي
هذا كلام اللي على الصدق محدود = دامه نظير لخالد العيد بادي