~نمشي على وضح النقى يالهوامير~
السلام عليكم ورحمة الله وبركاته
:::::::::::::::::::::::::::::
نمشي على وضح النقا يالهوامير
نمشي على وضح النقا يالعفيري
نمشي على كف القدر بالمحاذير
نمشي على كف القدر بالنذيري
نمشي على درب العنى والمقادير
نمشي نخالط سهلها والعسيري
نمشي ونقطف من زهور النواوير
نمشي وسط ديره نفلها عبيري
ياحلوها السجه وشوف المغاتير
في بر مخلي تو روضه مطيري
يرتاح بالي من عناه وتفاكير
وارتاح من جو المدن والزميري
ياقلب ادله والليالي تصاوير
وقلب المعنى في هواها يحيري
ياحافي الاقدام قدمك مسامير
الدرب يمنى وانت دربك خطيري
لا لا تعذر ماتفيد المعاذير
خلك على دربك ودربك قصيري
اعرف مدى الرجال وقت المسافير
اما عطيته وجه و لا تديري
شفت البشر يعشق حياة المضاهير
وشفت الصدق غايب ويشكي اسيري
والحلم غايب والامل بالتباشير
والوقت ضايع والليالي تغيري
وين الصديق اللي يهز الطوابير
طاح الجمل والكل جاب الشطيري
اقدع شقى والهم يقبل قناطير
والعين تذرف دمعها ياخشيري
كل ماتذكر مامضى والمشاوير
اضيق واصبر واتعشم بخيري
وارجع واقول الله يجزى الدنانير
كم ضيعة ناس ن وسوت اميري
وكم احرمة جايع وتصنع هوامير
وكم نوخت شيخن مضى له هديري
متى نشوف اللي نجيهم مسايير
واسعد بهم مثل الكفيف البصيري
الروج اقفى يوم شاف المناكير
بيدين وحده من فصيل الحميري
تحياتي
Zklad ugn ,qp hgkrn dhgi,hldvZ
يوم جتني في قبول الغيث قطره=والله اني في ظماها ماشعـرت
زلزلتني زلزلت ساحل سومطره=اذهلتني طيرت قلبـي وطـرت
ذكرتني ريم روض فاح عطـره=ماخبرت اني نسيته ماخبـرت
ااه ياعبدالعزيز الحـال خطـره=جيت اقاوم سحر عينه ماقدرت