واللـــــه لأشيـــلك بالرخـــا والمصيبه
السلام عليكم ورحمة الله وبركاته
تبقى بعض القصائد تشدك كلما عاودت قرائتها ..
وقد يكون ذلك من الاحاسيس التي نثرها الشاعر بداخل منظومته ..
وخصوصاً إذا حاكت العز والأنفة والشرف ..
قصيدة لشاعرة ( أعتذر لعدم معرفتي لاسمها ) أبدت مكنونها ..
بكلمات تلامس الوجدان ..
لعلكم قد قرائتموها .. ولكنها فعلاً أعجبتني
*******
يابــــــوي جعلك للبقــــــا والمكاسيــــــب
عمـــري بدونك يالــذرا ويـــش أبيبــه
يابــــوي تســـأل عن شفـــــاك المراقيب
طلعــــة ســــــواتك للنــــّوايف غريبـــــه
ليــــه المـــــرض مايعرف الزّيـــن و العيب؟
مــــايدري انك للمخـــــــــاليق هيبـــــه !!
أبســــألك وش بــــه غـــزا وجهك الشيب
والقـــلب لايــــع والنـــــواظر شحيبـــــه
وش بــــك تحــــاتي لانــــوى الموت تغريب
تخشــــى عليــــنا بالليـــّالي الكئيبـــــه
خـــذ دلــّتك واركـــــي على مسند الجيب
وعطنــي شمــــاغك بلثمـــــه وأحتمــيبه
ونـــروّح لأرض ٍ بهــــا العشــب والطيب
وتسمــــع كلامٍ يالغــــلا تحتفـــــيبه
يابــوي بنتك لا انحكـــــى بالتــّجاريب
كـــل ٍ يشق له يبــــه الصـــّيت جيبـــه
يابـــوي مـــاني من ســـوات المخاريب
اللـــّي تجيب لعليــــَة القــوم خيـــــبه
ومــاني من اللــّي لامشت حفــّها الرّيب
أنا مـــن اللــّي مايـــدنـــّس حليبـــــه
مـــرفوع شـــاني عن غــرام المكاتيــب
وأكبـــر من انّي أرتضـــــي بالحبيبه
أنــاغرامـــي لاابتـــــدوا بالــتّراحيب
نفوس الأوادم في وجـــودي رحيبــــه
وان كـــان زينـــــي فتنـــةٍ للمــصاويب
أحــــط وجهـــي بالحــــريق ولهيبـــه
زينـــي أبيعـــه وأشتــــري سمعه الطّيب
اســــم ٍ ينـــومس بالصـــّروح الذّهيــــبه
وان كـــان عندي ( بالحـــلا) شي ٍ اصعيب
عندي جــــدود ٍ مارضــــت بالغليبـــــه
دمــــوع القبايل في لقـــانا مســــاكيب
كــــن المقــــابر لاحضـــرنا قريبــــــه
خضـــّبت لك كفـــّي من العـــز تخضيب
ورفعــــت راسي للنــّجوم الصــّعيبه
واللــــه لأســــدّك بالفــعول المصاليب
واللـــــه لأشيـــلك بالرخـــا والمصيبه
طــــلع المعــالي ما انحكــــم للشــّواريب
بنـــت ٍ وأنـــــاطح فارس القـــوم طيبه
وياشيخـــي إبشــر لوتدور الدّواليـــب
بنتـــك إلى منـــّه عــوى الذّيــب ( ذيبه)
***********
تـــحـيـاتــــــــي لكم
=)
,hggJJJJJi gHadJJJg; fhgvoJJJh ,hglwdfi