[كل مايخص التفحيط ((هنا)) وكيف تتعلم التفحيط
بسم الله الرحمن الرحيم
السلام عليكم ورحمة الله وبركاته
والله انا نفسي افحط 
بس ياحسره خل نسوق اول بعدين يصير خير
المهم جبت او سرقت لكم موضوع عن التفحيط اتمنى يعجبكم 
كل مايخص التفحيط ((هنا)) وكيف تتعلم التفحيط
--------------------------------------------------------------------------------
النطل او النطلة
هي أساس التفحيط وبناءاً عليها تُقاس مهارة المفحط
وهي محاولة السير بالسيارة بأقصى شكل على زاوية 180 درجة
ومن ثم عكس اتجاه النطلة بكل احترافية وقوة ! ..
- التطويف
هذي التسمية يقولها المهجولين على حركة محددة
اذا نطل المفحط وكان في الشارع سيارة وتجاوزها
يُقال على النطلة إنها تطويف ! ..
- العقدة
وهي الدوران بالسيارة حول نفسها 360 درجة خلال مسير السيارة
واكبر عدد من العقد وصل لخمس عقد متتالية ! ..
- العكسية
وهي الدوران بالسيارة حول نفسها 180 درجة خلال مسير السيارة
ثم عكس الاتجاه وتكرار الحركة مره ثانية ! ..
- السفتي
تتكون من عقدتين لكن العقدة الثانية تكون عكس اتجاه الأولى
وتحتاج غالباً لمهارة عالية لصعوبة وزن الحركة ! ..
تختلف الشوارع وفي الفترة الأخيرة صارت كثييييرة
عندنا بعض شوارع الأحياء تكون هادية وواسعة
وأحياناً مايهمهم ضيق الشارع او وجود المطبّات فيه ! ..
من أسماء الشوارع داخل الأحياء :
" البحري - الباصات - شعول - المواصير - المستودعات - ... "
وتوجد شوارع على حدود الرياض مثل :
" الفروسية - البعارين - دريم - .... "
وأيضاً الشوارع الرئيسية ماتسلم
" دائري الدخل - الدائري الشرقي - خط الشرقية - دائري ساسكو ..
-----------
السرعات
السيارة: ماكسيما
الشارع: الدائري
السرعة: 240 !
السرعات اللي يكون عليها التفحيط
تختلف من شارع لشارع
لكنها توصل سرعات جنونية
توصل 180كم في شوارع الأحياء !
توصل 240كم في الشوارع الكبيرة !
أنتم مستوعبين معي هذي الأرقام ؟
مره أنا جربت امشي 200كم بسيارتي
أحس إني شوي وأطير هذا وأنا ما فحطت
معلومة : كل مازادت سرعة السيارة كل ما خف وزنها
وفعلاً أحس السيطرة أصعب بكثير في السرعات العالية ! ...
----------------------
سيارات المفحطين .. من وين ؟
أغلب السيارات المستخدمة إما تكون مؤجّرة أو مسروقة أو نادراً تكون مملوكة
السيارات المستأجرة تاخذ النسبة الأكبر في السيارات
وطبعاً اوّل ماتستؤجر يتم تغيير الكفرات حتى يتم البدأ
يُشترى طقم كفرات كامل .. السيارات العادية تستهلكه خلال سنتين
أما المفحطين يستهلكونه خلال يوم أو يومين على الأكثر ! ..
السيارات المستخدمة أغلبها سيارات سيدان يابانية او كورية
مثل " كامري - هوندا - سوناتا - كورولا - زوم - مكسيما - ... "
تعتقدون إنهم على هاذي السيارات بس
وصلت بهم الجرأة إنهم يفحطون بالسيارات الغالية
مثل " BMW - مرسيدس - انفنتي - لكزس 430 - 300 ... "
برضو تعتقدون انهم وقفو على كذا
حتى السيارات الكبيرة مثل الجمس صار لها مفحطين
مثل شجاع والحانوتي
السيارات المسروقة تستخدم ليوم أو يومين ثم تُرمى <<شدعوه
وبعض المفحطين متخصصين في السرقة ومشهورين بهذا الشي.
وطبعاً لابد يكون مع المفحط في سيارته طاقم التعزيز
وهم الأشخاص اللي يركبون مع المفحط وغالباً يكون اصحابه
ويحمّسونه بكلمات تشجيعية مثل :
" كفوو ياشنب! ، كفوو ياذيب! ، العب العب! ، هزّ الحديد ياشديد! .... "
وطبعاً المسجّل على اعلى صوت وبأغاني تحمّسه ! ...
--------------------------------
حركااااات مجنووونة
طبعاً في الفترة الأخيرة كثرت أسامي المفحطين
وأصبحت المنافسة مستمرّة وحامية بينهم
وغالباً كل مفحط يتميّز بصفة او بإجادة حركة معيّنة
وبكذا ظهرت حركات مجنونة مثل اللي في الصورة فوق
وأحياناً يفحط في الشارع أكثر من مفحط
وبكذا تكون منافسه من تكون أشواطه أحلى ؟
" الشوط : هو مجموع الحركات اللي يسويها المفحط "
فـ يتنافسون في النطل والتشطيف والتطويف والمهارة ..
* المستشار وهو لقب أحد المفحطين ..
نطل النطلة الأولى على 210 وترك الدركسون وجلس يصفق بيديه ثلاث صفقات
ثم نطل الثانية وصفق ثلاث صفقات ثم نطل الثالثة وصفق صفقتين وختم بحركة كاملة ! ..
* أحد المفحطين قرر يسوّي حركة العقد .. عادي صح ؟
لكن المش عادي إنه لما سوّاها طمر لمكان الراكب وترك مكان السوّاق وسوّاها ..
------------------------------
التصوير
كثرت في الفترة الأخيرة إبداعات المفحطين
وقرر بعض الشباب التصوير وإنشاء اشرطة
وصار جانب ابداعي لأنه طلعت اشرطة رائعة
ومميزة بإخراجات ومتابعة مبهرة
وصار عندنا العديد من الأشرطة منها :
" Dream - إرهابي - Top - Bod - الجزيرة - ريميكس ...."
* مرة من المرات تم استخدام شريط تفحيط
لايجاد دليل في إحدى القضايا وفعلاً ساعدهم ! ...
------------------------
حياة المفحطين
يمكن نستغرب أفعال المحفطين ويجينا فضول لمعرفة حياتهم الخاصة
حسب معلوماتي اللي عرفتها عن حياة البعض منهم
إنهم شباب عاديين وظروفهم مثل ظروف أي شريحة من المجتمع
لكن للاسف اغلبهم منحرفين بسبب رفقة السوء غالباً
وبعضهم يمارس الشذوذ ويستخدم شهرته لاجل خاطر هالشي
منهم الموظف والعسكري وطالب الجامعة ومنهم توّهم في المدارس
------------
من يدعم المفحطين ؟
هواية التفحيط مُكلفة وتحتاج لـ مقدرة مادية ومعنوية
بعض المفحطين يدفع التكاليف المادية من فلوسه في البداية
اذا اثبت قوة قيادته رح يلقى اشخاص يستأجرون له ! ..
الاشخاص اللي يستأجرون غالباً
يكونون مغتنين ويحبّون يشتهرون
او يتفاخرون إن المفحط فلان يستأجرون له ...
بعض الأشرطة تتكفل بالسيارة والكفرات
حتى يكتب المفحط اسم الشريط على السيارة
ويعطيهم لقطات حصرية للتصوير الداخلي ! ..
بعضهم يسرق او يبيع المخدرات حتى يوفر المصدر المادي
ومن الفسق فيهم أحياناً يفحط المفحط بسيارتين في اليوم ! ..
في حال حدوث حادث قوي يتركون السيارة ويركبون اللوحات
ومن ثم يُبلغ عن السيارة إنها مسروقة حتى مايتحملون تكلفة الاصلاح ! ..
------------------------
وين الأمن والدوريّات ؟
الدوريات موجودة لكن نايمين
يعني غالباً اذا صار تجمهر في شارع محدد
تجي دورية والكل يطلع من الشارع لشارع ثاني
وهذا اغلب تصرّف من الدوريات ..
صحيح أحياناً " تقريباً كل شهر "
يسوون شبكة دوريات لاجل يداهمون شارع ويقفلونه
وبعدين يوقع المتجمهرين على تعهدات وتوصل للحجز
طبعاً المفحطين عندهم مهارة عالية في الهرب من الدوريات
رغم إن الدوريات سياراتهم قوية ( 6 سلندر - 8 سلندر )والمفحط سيارته 4 سلندر ومعدومة بعد ويقدر يهرب بكل سهولة
حتى بعض المفحطين جريء وماتهمّه الدوريات
---------------
من يتابع التفحيط ؟
يتابع التفحيط حسب تقديري 20% من الشباب
وتختلف طبعاً اشكال المتابعة
منهم من يتابع بالمشهادة مباشرة في الشوارع
ومنهم من يتابع الاشرطة ويسأل عن اخبارهم
والآن صار فيه منتديات متخصصة للتفحيط
حتى إنهم يحطّون جوّال للاستفسار عن الهجولة
ويعطيك اسم الشارع والمفحط اللي فيه
اذا جت دوريّة وتغيّر الشارع برضو يعلّمك الشارع اللي بعده ! ...
-------------------------
هل يخاف المفحطين ؟
أعتقد إن الإجابة لا
لأن من يسوّي كل هذا أكيد قلبه في البيت !
سرعات مجنونة ووسائل أمان معدومة وتهوّر ! ..
بعضهم ياخذ مخدرات او يدخن الحشيش قبل لايفحط
وبعضهم عادي يمكن يتخدرون من المسجل وكلمات التشجيع ! ..
من شفتهم يصفقون ويتركون الدركسون
وأحياناً يفحطون بـ يد وحده وانا داري إنهم فاصلين عقولهم
---------------
كتابات وعبارات للمفحطين
كل مفحط غالباً يكتب كتابات على السيارة
وبعض الأحيان يكتبون كتابات على حسب المناسبات
* أحد المفحطين في الفالنتاين غيّر انوار السيارة للأحمر ! ..
أمثلة للكتابات على سيارات المفحطين :
-بودعكم يا احبابي .. غصب عني ولا انا مابي
-الكامري تلعب والدوريّات تتعب
-الكامري تحت اوامري
-آمري ياكامري
-خذ الحذر .. بوبو وحظر
-الهنادي تطلب والصوفي يطرب
- لعيووون عبوودي.........? يعني اسامي وراعين <<<<< بزرنجيه
----------------
حوااااااادث
لاحظو الركاب يتطايرون بعد ما انقلبت السيارة اكثر من خمس ست مرّات
الحوادث كثيييير تحصل في عالم التفحيط
والمفحط يمكن يصير له اقل شي ثلاث اربع حوادث
بعضها شنيع وبعضها خفيف وبعضهم يتوفون
مثل فيصل العقيل واليحيى - الله يرحمهم -
لاحظو الجماهير الاغبياء متجه لهم ولا تحرّكو
هو صدم في نخلة والله ستر عليهم
-أحد المرات المفحط " اكوي " كان مسرع ناوي ياخذ الشوط
ومادرى الا واحد يقطع الشارع وصدم فيه وطار الرجال عشرات الامتار
طبعاً وقف لكن فجأة نزل بسرعة يركض .. يركض .. بجنون
من الصدمة ماعاد يدري وش يسوي وسلّم نفسه وطلع
والمشكلة إنه رجع يفحط وإلى الآن ! ..
:::::::::::::::::::::::::::::::::::::::::
وانشاء الله فهمتم واستوعبتم الهجوله
مع تحياتي
F;g lhdow hgjtpd' ((ikh)) ,;dt jjugl
{بيبسي~
انا فدوهـ لكـ حتى لو تصير بعشرهـ
وغلآتكـ يآعديل الروحـ مآ أترككـ علشان نص
