اختي الصغيره تأكل اظافرها بشكل مرعب
السلام عليكم ورحمة الله وبركاته
لجأت لكم بعد تعب من التفكير
انا مشكلتي عندي اخت صغيره في اول ابتدائي
1/12 تكمل 7 سنوات
وهي متعلقه فيني مرررره وكأنها بنتي
المهم الحين من بداية الدراسه اول اسبوع دراسي لأول ابتدائي
طبعا اولياء الامور يروحون معهم وكانت الوالده تروح معها اول اسبوع
وكانت تروح عااادي ولا تقول شي بس ماترضى تترك امي لازم تجلس معها
بعدين الاسبوع الثاني صار لازم تروح لحالها وكانت كل يوم تروح وهي تصيح
وبالغصب تروح وكانت تروح مع سواق وسألتها يوم ليه ماترضين تروحين قالت اخاف من السواق
صار الوالد كل يوم يوصلها قبل يروح الدوام بس المشكله لما يوصل للمدرسه ماترضى تنزل
من السياره بالغصب بالطيب بالدلع بكل الطرق ماترضى ولما ينزلها غصب ويدخلها المدرسه
ويمشي عنها تدخل المدرسه عاادي وماتقول شي وتصير طبيعيه تجي البيت تكون مستانسه وكذا
بعدين العصر والمغرب صياااح متواصل ماتبي تروح طيب ليه ماتبين ماتقول بس تصيح وماتبي تروح
طيب مايصير غابت يوم يومين بس لازم تروح في البدايه كانت تروح غصب الحين تروح عادي توصل
هناك ماترضى تنزل ولما تنزل عادي بعدين مع الايام لاحظنا عليها اشياء غريبه مثلا صارت تاكل
اظافره بقوووه يعني ما ابالغ لو اقول لكم مابقى فيها اظافر ويدها مره ملتهبه وتصيح من الالم بس
تاكلهم وحتى اظافر رجولها تقصهم بالمقص مو بس كذا صارت تحرك كتفها لفوق بقوه حتى صار مع
الايام يطلع صوت طقطقه غريبه وكأن العظام تركب على بعض وترجع تنفك وصارت ماتاكل ابد ابد ابد
ترجع من المدرسه مصروفها لسى في جيبها وفي البيت ماترضى تاكل واحسها كلا سرحااانه وتفكر
وبعد لاحظت انها وانتم بكرامه صار عندها تبول لاا إرادي مره او مرتين تقريبا
اسالها حبيبتي في شي يخوفك تقول لاااااا بقوه وتعصب وماترد علي الا بــ لاااااااااا اسالها في
احد يضربك احد يخوفك او يلحقك تقول لااااا وتصارخ
راحت امي للمدرسه تسأل او تشوف قالت لها مدرستها هي عادي تجي وتلعب مع البنات بس اول
ماتجي تستفرغ وماترضى وبعدين عاادي وتقوم وتجاوب وذكيه وتتفاعل بس ماترضى تاكل
انا خاااايفه عليها مررره اليوم تطالع نفسها في المرايه وتصيح خفنا عليها وماعرفت وش اسوي انا
وامي جلسنا نصيح واخذها ابوي وطلع معها تلعب يمكن تغير جو وجاات في البدايه مستانسه
بعدين بدت تتغير ووجها مرررره اصفر وكلا قلقه اصلا كل اللي يشوفونها يقولن اختفت صااايره
مررررررررررررره ضعفانه ومصفره وكلا تخاف اتركها والا اروح عنها
ودينها مستشفى يقول الدكتور هذي عادات متعوده عليها
بليز اللي عنده شي يشور علي يساعدني وش اسوي وش الحل
مره خاايفه عليها واحس هم الدنيا كله علي 
hojd hgwydvi jH;g h/htvih fa;g lvuf
♣ يحسبونے أنے المشاξـر تسليہ ولعبہ ورقے ♠
