الموضوع: لقـــــاء مـــع شعــــــراء الأمـــــــــــاكن
عرض مشاركة واحدة
قديم 11-01-2009, 02:55 PM
المشاركة 32
الصورة الرمزية بندر نجد
بندر نجد
عضوتربع القمه
  • غير متواجد
رد: لقـــــاء مـــع شعــــــراء الأمـــــــــــاكن
ياهلابك اكثر ولاهنتي الغاليه ولو اني شايل عليكم وماكان عندي اي نيه ارد لأني كنت منزل الرد صارلي فتره وطولتوا مارديتوا علي



ولكن مسموح وماراح اتجاهل دعوتك وتستاهلين كل خير



اول كتابه لي بالشعر ايام الثانوي

اول قصيده كتبتها رثاء بالوالد رحمه الله من ضمنها

ياقلب ياقلب الشقا والتعاذيب=كثرة طعون القلب شيٍ يقيني
ذكراه مازالت ولالي مناديب=ماحد ٍ ابي قربه ولااحد ٍ يجيني
والله ماانساه واكتم لواهيب=مابين قلبي اذكره كل حيني



موقف طريف مااذكر اني كتبت اي شي ولكن اعجبني بيت لشخص يقول فيه

بعض العرب ودك تحطه بمخباك=وتظهر خشيمه كل شوي وتحبه



ابيات كتبتها عن موقف حزين

جتني رساله من شخص يقول

اللي يتيه الليل يتنى الصباحي=واللي يضيع القايله من يقديه؟؟؟؟

طبعا هذا بيت للشاعره مويضي البرازيه رحمها الله ومن شدة اعجابي بالبيت رديت عليه وقلت

يتيه منهو فاقد ٍله سلاحي=مثلي طفت انوار بيته واراضيه
لاصبح لابالليل ولابرق لاحي=راح وعساه بجنة ٍ نلتقي فيه



اقرب بيت كتبت ويعني لي الشي الكثير


شفت الجبل وشلون شامخ ومعتز=هذاك انا كلي شموخ وعزازي



اخر ماكتبت بيتين

كتبت مابالجوف من حر مافيه=واخفي معاناتي عن الناس باشعار
بعد وفراااق وعزة النفس تنفيه=ولو لي عليه من المشاريه مشوار



رأيي بالعنصر النسائي شي جميل والكل مننا له مشاعر واحاسيس لابد ان يطلعها



الداعمين لموهبتي الشعريه كل من حولي وبالأخص المتذوقين للشعر



اول المستمعين لقصائدي القريبين لذاتي



الشعراء المفضلين كثير ولكن اولهم الامير الفارس/ عبيد الرشيد رحمه الله
الامير/ طلال الرشيد رحمه الله
الامير/ محمد السديري رحمه الله


قصيده لشاعر معروف نالت اعجابي


قصيدة الامير الفارس/ عبيد الرشيد رحمه الله من ضمنها

اضرب على الكايد ليا صرت بحلان=عند الولي وصل الرشا وانقطاعه
اما تجيب عقود حص ٍ ومرجان=ولا فهي لابليس طار بشعاعه
الناس ماتسقيك لاصرت عطشان=لاصار ماشِـرب الفتى من ذراعه
وعيب ٍ على اللي يتقي عقب مابان=ويرضى طمان النفس عقب ارتفاعه


وقصيده للأمير الفارس/ عبدالعزيز الرشيد (الجنازه) رحمه الله

ياهيه ياراكب المامون=سلّم على ساهر العيني
ابن صباح ٍ وابن سعدون=وابن سعود ٍ وابا الخيلي
كسرتهم والعدو ممهون=بعيال شمّر على الخيلي
أركض كما شوشة المجنون=سبحان ربّي مسويني


وقصيده للامير/ محمد السديري رحمه الله من ضمنها


قصر ٍ يذلك لاتقابل مبانيه=خلّه عسى شامخ طويله هدامي
لو زان مدخاله وطالت مبانيه=شيّد على الخيبه قليل الرحامي
ابعد وقلبك نازح البعد يشفيه=وتلقى عن الدار البغيضه مقامي
دار ٍ بدار وداعي الذل عاصيه=ولاتقبل الذله نفوس الكرامي
من لايودك لاتوده وترجيه=ارفع مقامك ياعزيز المقامي
وحي ٍ يوريك المذله وتغليه=انا اشهد انك ميّت القلب عامي
حق الرفيق وواجبه لاتخليه=يلزمك مثل الوالدين الحشامي
والعبد له ربٍ عن الناس يغنيه=ولولاه ماصاب الهدف كل رامي


وقصيدة حامد زيد (الجمهره)

وبيت من قصيده لحامد زيد

ودك ليا جاتك الغلطه من الناس القراب=الصاحب اللي ماكسبت محبته ماتخسره
لابارك الله في رفيقٍ تزعله كلمة عتاب=ولاجمّع الله الرجال اللي تفرقهم مره
عودت نفسي كل ماشديت لليمه ركاب=ماصد وجهي عن طريق إلا ليا جبت خبره
اللي يخاف من الظما يترك لنا طرد السراب=واللي ماهو قد الظلام ووحشته لايسهره




رأيي بالنقد شي طيب وتعرف اخطاءك والاغلبيه من الناقدين يكونون منصحين لك

ومن ناحيتي انا اتقبله بصدر رحب



اختار الصوره الاولى


الحر مايرضى مقام الدنافيس==وتشرّهه نفسه على كل نوماس
بقلمي

وسلامتك ويعطيك العافيه وننتظر جديدك



مادام انا آخر من تشوف له بال = ماهمني لو تقفي العمر كله
وانا لي الله ملجئي كل الاحوال = سبحانه العلاّم في كل زله