وش بقى ماسلبته يازمن من حياتي...

غير الانفاس..وهموم ترافق دروبي..

مركب الصبر ضاع وموج الايام عاتى..

وانت حطيتنى نيشان دوبك ودوبي

ترمى الجرح بعد الجرح وأدمن سكاتى

وابتعد عن نظر حلمى وأواصل هروبي

واتجاهلك واركض لين تيبس لهاتى

وان بغيت اتريح لحقت النار ثوبي

لين صار الشقا وقف على وجه ذاتى

السعاده شمال.. ودرب حظى جنوبي

زفرتى نار تحرق من وهجها شفاتى..

وان شكت لك صرخت بوجهها قلت ذوبي

وش جناية يمينى يوم هذاي سواتى

بين كل الملا..صبري هو اكبر ذنوبي

يازمانى كفايه لا تزود شتاتى

قل للاحزان عن مبتور الافراح توبي