السلام عليكم ورحمة الله وبركاته
يسعـد ايامكم بالخير والمســــرات//من زمان عنكم وادري اني مقصره كثير لكن الدنيا مشاغل
الله لايشغلنـا الا بطاعتــــــــه
جديدي واتمنى يرتقـي لذوقـــــــكم,,
وجدي على اللي عايشٍ دنياه في بحر الذنــــــوب
ضايع وشمــس السعــــــاده عن دروبــــه غاربـــــــه
مبحرٍ وسط المعاصي و قبل حتى لا يتــوب
ثار موج الموت في وجهه وحطم قاربـــــــــــه
لاهيٍ عن ذكر ربـــــه في هوى ريـــمٍ لعـــــــوب
قاسـيٍ قلبه واصبـح كالبيـــــوت الخاربــــــــه
ان لفت بيته مصايب واتعبت روحه كروب
يدعي ربه في خشوعٍ عل يفرج كاربــــــــــــه
وان عطاه الخالق اللي كل خيرٍ له يجوب
ينكر النعمه ويجحد كل خيرٍ طاربـــه
بكرى لامنها تجافت عن مضاجعه الجنوب
والفظت روحه نفسها ثم ملكها ساربـــه
وقتها لاعاد ينفع لامفــر ولا هـــروب
ان حواه القبـــر وابعد عن ديار اقاربــه
تنتهي صفحة حياته ضايعٍ وسط الحروب
وتبتدي رحلة حصاده من زمانٍ ثار بــه
يابن ادم لك نصيحه قبل ما ذيك الشعوب
تجتمع بالموقف اللي كل عقل احتاربــه
ثم تعرض صفحة اعمالك ولافيها حجوب
بين ايادي ربك اللي كل شخص يجار به
ان تخلي صفحتك بيضاء ولافيها عيوب
قبل ماتندم على فعل الليالي الطاربه
ازهد بدنيا التعاسـه واتقِ نارٍ شبــــــوب
وازرع الخير بيمينك وااتبع اللي شار به
والنهايه تحصد اللي قد زرعتـه والدروب
<جنةٍ
تسعد بها
..,والا جهنم قاربه>
,ودي ووردي لمن شرف متصفحـــــي