حلى إدمــــان عليه !
. . .
السلام عليكم ياطباخات
صراحه عجبني هالقسم مره نشيط
ويحمس الواحد يبدع بما عنده من مواهب
فعشان كذا استقعدت فيه .. وكل يوم
والثاني جايبه لكم طبق خيري !
. . .
هالمره حلى انا شخصيآ أدمنت عليه
صح ثقيل بس سريع ويسوى وماياخذ منك وقت !
المقادير اول شي :
كاس كويكر - كاس سميد - كاس سكر - كاس حليب بودره
الطريقه كان ودي اصورها بس ما تذكرت الا بعدما
وصلت لنص الطبخه
المهم نرجع حق محور حديثنا !
تحمسينهم في قدر على النار لين يصير لونهم أسمر
بني هيك شي !
اذا تبغين تسوين صينيه وحده رح تكون المقادير بهذي الكميه
واذا تبين صينيتين خلي المقادير كاستين من كل شي !
اندرستاند ؟!
حلو
طيب بعدما حمسناه نحطه في وعاء < متعوب عليه
عميق ونحط معاه تقريبآ ربع زبده وعلبه وحده قشطه !
بعدين نبدأ نعجن الخليط لين يتماسك .. ويتكون عندنا
عجينه .. نقوم نفردها في صينيه زي كذا :
بعدين .. روحي شوي وقفي ع جنب .. اي خلاص هنا
جيبي حليب مركز نستله وكاكاو بودره واخلطيهم مع بعض
او ممكن جلكسي ذايب .. او اي خلطه كاوكاو المهم تسوينها
وتحطينها فوق الخلطه السابقه :
بعدين اذا تحبين ترشين فوقها بسكوت شاي مطحون او مكسرات
او ممكن تخلينها ساده ماعليها شي !
وتحطين الطبق في الثلاجه لمده ساعه شوي يجمد
وقدميه مع فنجان قهوه في المغرب
. . .
وبس .. ان شالله تعجبكم
على فكره .. ممكن اذا كان ماعندك كويكر
يصير تحطين بداله بسكوت شاي مطحون !
هذا صحن لكم .. لأني ادري بتنشبون لي
خلي لنا شوي وتصيحون عندي .. فقلت طيب خلاص موافقه هالمره !
بالعافيه حبايبي
pgn Y]lJJJJhk ugdi !
التعديل الأخير تم بواسطة !{ سندريلا }! ; 05-03-2011 الساعة 12:29 AM
سبب آخر: وسـآم الثتبيت حبووبــه ;)