البارحه قلبي به الضيم والاه=والعين عافت نومها ماتضومي
في شوفة الاخوان مالي مواساه=ياكيف اواسى واللهب في شعومي
هذا كسير الساق وهذا بعذباه=وهذا طريح انصاب يعجز يقومي
سبة جحوش القوم تمشي بمولاه=تاكل لحوم العز وتنثر دمومي
قوم ٍ على بهم البشر هي مسماه=ماتسجد لوجهه ولاهي تصومي
ماتبتغي فضله ولاهمها رضاه=مخدوشتن مكدوشة الراس تومي
وين انت ياللي يطلب السيف يمناه=جايع ويطلب قسمته فاللحومي
لاواهني ام القواعد محماه=تنسف دماكم نسفتن بالعمومي
ومانملك الا دعوتن لك منقاه=مرسولها في صوب منشي الغيومي
يالله تمحق من على الدين عاداه=وتنصر بحكمك كل مسلم يقومي
غزه على كل البشر تطلب انجاه=وماغيرك احدن في طلبها يرومي