وداعــا أحــبــتــي...فــلـعــلــي لاالــقــاكــم..
اخباركم يالغوالي...
مادري شقول لكم صراحه احترت وحاسه اني مو قادره
اغيب عنكم...
مادري اذا تعودتوا علي اختك الفيلسوفه لجين...
اتمنى قدرت اوصل لقلوبكم وكنت خفيفه ومازعلت احد..
مادري من وين ابتدي او من وين انهي كلامي..
ابي اقول لكم ماراح اقدر اكمل معكم لنهايه الاجازه بأذن الله
ماراح اقول لكم ظروف لان الظروف تنتهي لكن اودعكم..
راح اعمل عمليه جراحيه..
لااحد يسأل عن التفاصيل..لان صعب اشرح لكم..
صار لي سنه متبهذله بالمستشفيات والحين انا
ابرحل..والله العالم اذا برد لكم بسلامته او يصير
شي والله ياخذ امانتي..
كل اللي ابيه..
دعوات صادقه من قلوبكم النقيه وابيكم تسامحوني
اذا احد ماخذ على خاطره مني مع اني اعتقد ماازعل احد ولا
اغلط على احد لكن يمكن زليت وزعلت احد..
اعتذر وحقه علي...
امانه عليكم ادعوا لي ترا محتاجه دعاكم..
والسبت..2 /10..
اعتقد ماراح اكون هنا...راح امشي..
اما بمناسبه العيد..
انا ماعيدت احد لان عيدي مابدا عيدي بعد العمليه..
الحين كلي خوف وقلق مايعلم فيها لا الله..
لجل كذا كل احد ينتظرني اهنيه هنيته هنا
وماقدر اعايدكم وعيدي مابدا ولاحاسه بفرحه العيد..
ربي يسهل علي وربي يحفظني...
اشكر كل شخص اعطاني من وقته واشكر كل
احد نصحني الكل..
استاذي كحيلان11...اللي وقف معي كثير..
وخواطر اماراتيه اختي الغاليه..
وجمايل ليت ايامي حلم..
اميره الحروف اللي دايم تسعدني
واخوي زمــن...
واحترامي الكبير لصادق وعد..
واعتذر للمانشستر اذاماخذ مني موقف اهوا والنابض..
ماقدر اسمي احد لكن حبيت اذكر جمايلكم معي
ومها قلت مااعطي احد حقه..
لان لو يصير شي ولاارد اروح بأمانته ومابخاطري شي..
قلت كل اللي بخاطري وباقي الكثير لكن ماقدر اقول
اكثر من كذا لااحد..
من كلامي لو سمحتوا...
مثل مابديت معكم بابتأسمه وطيب خاطر راح انهي
كل شي بأبتسامه وطيب خاطر..
انتظروني لنهايه الاجازه ان رديت او وماراح ارد..
كنت ناويه اقضي اجازتي بديرتي الثانيه لهلي
اهل الكويت لكن الله مو مقدر اشوف بنوته كيوت..
ربي ماكتب لي اروح لكم يالغوالي..
وهذا شي جديد تعرفونه عني..
لااحد يزعل علي كلها يومين وماشيه
وباذن الله ان مليت راح اخذ جهازي واتطمن عليكم..
امر مرور الكرام ان كان فيني حيل..
راح اشتاق لاحلى منتدى ولاحلى اداره ولاحلى اعضاء..
اختكم...كــبــريــاء الــجــنــوبـــ*...
مو احد ينساني انتظركم تستقبلوني بالبخور
اول ماارد ان الله كتب لي ارد لكم..
اشوف اللي يحبون لجين شنو راح يقولون لها..
استقبلوني بكل شي حلو بحياتكم مثل ماراح استقبلكم انا..
,]huJJh HpJJfJJjJJd>>>tJJgJuJJgJJd ghhgJJrJJh;JJl>>