منتديات الأماكن - عرض مشاركة واحدة - رآسً مآلـًيَ ذكًريًآتيّ وحًـلمً و آمــًآلّ وطًمـوحً ..!

09-08-2010, 12:51 AM

المشاركة 706

خجل}~

عضو يفوق الوصف



رد: رآسً مآلـًيَ ذكًريًآتيّ وحًـلمً و آمــًآلّ وطًمـوحً ..!

منهو يصالحني عليك ؟!

سرب من حمام ؟!
قوله :
" يا من يودّي له سلام " ؟!
ولّا وسايد السهر ..لاجيت أنام ؟!
ولّا الكلام .....
اللي ذبل على طرف أصابعي ..من غبت..
وأزهر بي الخصام؟!
أو قصيدة ممتليه ندم ..
ولّا ملام ؟!
منهو يصالحني عليك ؟!

مات النهار بناظري ..إلا شعاع ..
فيني غرق كل البحر..إلا شراع ...
رضيت أجامل حزني فيك..
رضيت أموت ما بين ايديك..
رضيت ..رضيت..
إلا ((الوداع))...
أرجوك بس..إلا الوداع....!
منهو يصالحني عليك ؟!

من يسرقك ..
من بين زعلك والتقيك..
من يسرق الخوف اللي ساكنّي وأجيك ..؟!
من يقنع الماي اللي فيك..
اني عطش..
وغصون عمري تشتهيك..؟
من يقنع نعاس عينك والخدر إني سهر على النوافذ أحتريك ؟!
منهو يقول لك يا الجمر..
إني أبيك...؟
منهو يصالحني عليك ..؟!

ياللي خذاك مني الجفا
كل ليلة أشعل لك حنين
بدل حنين البارحه كل ما طفا ..
وكل ليلة أفرش لك جفن
عطر ودفا
صبر ووفا ...

وكل ليلة من قبل أنام
أوارب اطراف الهدب ..!!!
علّ وعسى ..!!
يمرني طيفك عجل
لا من تعب فيّ الزعل
أو جفنه الصاحي غفا!
وكل ليله أسأل هالسؤال :
منهو يصالحني عليك ؟!
منهو يصالحني عليّ ؟ّ!

رد مع الإقتباس