الموضوع: //عضوة والمطبخ ولقاء..
عرض مشاركة واحدة
قديم 23-06-2008, 07:55 AM
المشاركة 8
الصورة الرمزية المنـالــ ..~
 

  • غير متواجد
متمكنة من غلاها
يعطيك العافيه على الموضوع الرائع..

وأشكر ريحة الورد على إختياري ..

طبعاً الكل يعرف إن أي وحده أسمها منال لازم تكون طباخه >> كثري منها

بالذات منال العالِم ..هذي أصلاً مسمينها عليّ يبونها تصير مثلي بس زين إذا وصلت لربع شطارتي >>أقول لايكثر بس

نبدأ على بركة الله ...

**عرفينا عن نفسك وخاصة في الطبخ ؟

شعوري شعور أي مواطنه سعوديه >> أحد جاب طاري الشعور

علاقتي في المطبخ عاديه جداً ... لكني مرات إذا كنت جوعانه والشغاله نايمه أظطر أدخل وأطبخ ..

**تحبين الطبخ أو لا ؟

أحياناً إذا كنت مروقه جداً للطبخ ..المشكله ما أروق إلا في السنه مره


**وجبتك المفضله ؟

كبسة الدجاج ,, ورق العنب ,, معكرونه بالباشاميل ,, صينية دجاج ..



** طبق تحبين تسوينه كثير؟

بطاطس مقلي ,, ورق عنب أنا أحشيه وأمي تطبخه


**أذكري الطبخات الي تعمليهم ؟
بيض مسلوق ..بيض مقلي ..رز أبيض .. المشروبات الساخنه (شاي..قهوه..كابتشينو)
والحلى بأنواعه إذا ما كان صعب وبشرط الكتاب يكون جنبي ..



**أول مرة دخلتي المطبخ كم كان عمرك لو تذكرين ؟ وشو كانت هي الطبخة ؟
ما أذكر بالضبط بس أتوقع إني كنت في سادس إبتدائي قررت أمي إنها تعلمني القهوه عاد أنا حزتها كنت ورعه وتعرفون الورعان يستانسون إذا دروا إن السالفه فيها طبخ..عشان كذا ما قلت لا... ومن زود الحماس والقرامه حطيت كل شئ في الماء الزعفران والهيل وإلخ....
لعبت فيها لعب


**{ طبخه طبختيها وفشلتِ في عملها (أسم الطبخة) ؟ وش كان شعوركِ وقتها ؟ ويش كانت ردة فعل الأهل عندما رأوا الطبخة ؟ وإذا فيه صورة لها ضعيها .. ؟؟

طبعاً مايسمى فشل فشل بمعنى الكلمه بس إني حست أم الدعوه..

أذكر في رمضان العام عطتني أمي كتابها حق الطبخ وطلبت مني أسوي العجينة حقت المعجنات ..
وطريقتها إنها توضع في الخلاط ..
بس أنا من زود الذرابه ما قريت الطريقه قمت أخبص وأغفص بيدي على بالي كل العجين يدوي ..
وبعدين تذكرت إني ما قريت الطريقه ..وهنا رجعت للكتاب عشان أقرأ الطريقه حدث مالم يكن في الحسبان وذهلت بصاعقه >> مب وقتك ..

والمشكله ليتني إنقهرت ولأ تندمت على الخرشه إلا بالعكس أنخرطت في الضحك خرطاً ..وقام أمي تهدئ من الوضع وقالت عادي كملي غفصك ...

وفي موقف ثاني بس هالمره كنت زوله ..
في حزه من الحزايز قررت أسوي حلى المعمول ( الفحم ) وتعرفون إن هذا الحلى يبي له تكوير ..
والأخت مثل ما تعرفون زوله مقعّده ..قمت وخلطت الدعوه مع بعض وحطيته في صحن وأكلته بملعقه ...


{ طبخه طبختيها نجحت والكل مدحكِ (أسمها/وإذا كنتِ مصورتنها ضعيها) ؟
معكرونه بالباشاميل

بس الله يسلم أمي نص الطبخه عليها ..
والمشكله ما عندي صوره لها..

**موقف طريف صار معاك في المطبخ ؟

هالموقف ما يتعلق في الطبخ ..بس إنه يتعلق في المطبخ لأن الحدث صار فيه ..

في مره من المراير قررت أسوي بخار لخشتي
ودخلت المطبخ وأخذت الأبريق أبو زقم طويل ..لأنه ينفع للبخار ..

المهم وأنا قاعده أتبخر شميت صوت ريحه بس مو ريحة الورد ..لا هذي ريحه غريبه شوي ..
عاد أنا من زود التفهي ما أهتميت في الموضوع على بالي إنها ريحه مسيره علينا وبتطلع ..


المهم إلا والريحه تقترب شيئاً فشيئاً وأحس إنها وصلت لمخي ..وقمت أتلفت حولي في المطبخ وأشمشم ما لقيت شئ ..
ورحت أكمل بخاري إلا خلاص ما قدرت أتحمل هالريحه ..تدرون من وين الريحه..؟
من الإبريق
لأن الماء خلص

وليتني حسيت من البدايه ..
بس وش عقبه عقب ما أحترق الأبريق وراح فيها ..

**في نظرك أنتي ,, هل يعتمد عليكِ في الطبخ او لا ؟

نوعاً ما ..يعني مو كثير بس الخفايف ..

**قولي لنا وصفه لطبخه حلوه تسوينها كثير عشان نجربها ؟
أنا طبعاً أحب الحلى بأنواعه ..
عشان كذا بعطيكم طريقة اللبنيه وأزين ما فيها إنها سهله مره وما تأخذ إلا نص ساعه أو أقل

وإذا ودكم تشوفونها تلقونها في كتاب أطباق النخبه ...

*المقادير :
2 بيضه
ملعقة باكنج باودر
كأس دقيق
نصف كأس زيت
ثلاث أرباع كأس جوز الهند
كأس سكر
كأس لبن أو زباي
علبه حليب نستله مُحلى
واحد كيس شعيريه باكستانيه

*الطريقه :

تخلط جميع المقادير مع بعض وتوضع في صينيه مدهونه بقليل من الزيت ..ثم نقوم بتكسير الشعيريه كاملاً ويوضع على وجه اللبنيه ..
ثم تدخل الفرن وتترك حتى تتحمر من الأسفل ثم من الأعلى ..وإذا أُخرجت يصب على وجهها علبه كامله من الحليب المركز..ويوزع بالتساوي ..وتغطى وتترك قليلاً حتى تتشرب الشعريه الحليب ..
ثم تُقطع وبالعافيـــــــه..

**سوي طبخه وصوريها لنا؟(ورينا شطارتك)..
إن شاء الله ..تأمرين

**نصحية توجهينها لفنانات في الطبخ ؟؟

أقول لهم وراء ما تصيرون مثلي أنا وبنت عمي منال العالِم >> أقصري الهرج

الصراحه الوحده إذا ما تعلمت من بدري ما راح تفلح ..وهذي نصيحتي أبدأوا من الحين ..

عشان ما تصيرون مثلي

وشكــــــــــراً

وأختار حبيبتي وحبيبة الكل أسيرة حبه