يالله حيهم
اليوم موضوع شوي مختلف
هذا المشروع الفني المجنون للأخوين غابرييل (20 سنة) و تياغو (27 سنة) بريمو ، اللذان يعيشان في ريو دي جانيرو بالبرازيل .
فهما ينامان ويعملان ويأكلان بشكل طبيعي كالآخرين .. ولكنهما يسكنان في الهواء الطلق .. على جانب بناية وبارتفاع 33 قدم .
وهذا السكن ليس ليوم واحد فقط ، ولكنهما يقومان بذلك منذ نهاية شهر يوليو الماضي ويخططان للاستمرار في هذه المغامرة الغريبة حتى 20 أغسطس الحالي . << يعني بكره ينزلون ويضفون عفشهم
وحقيقة هذا المشروع أنه يأتي ضمن معرض للفنون في المركز القديم لمدينة ريو دي جانيرو .. ويا له من معرض !!
فهذا المنظر الغريب لا يمكن أن نراه كل يوم في أي مكان .. لذلك إن كنتم من زوار البرازيل وريو دي جانيرو تحديداً خلال هذا الصيف فلا تفوتوا فرصة مشاهدة هذا " الحائط السكني زاهي الألوان " !!
أفا يا عيال بريمو .. هذي آخرتها .. قلبتوها ضواطير !!
موب عاقلين عيال بريمو .. مختارين ذا العاير ومسوين عليه الحركه .. أول ما شفت الصوره حسبتهم غاسلين لهم زوليه فوق السطح وناشرينها على الجدار
<< خل التفكير لأهله
يا عيني انت وياه على الجلسه الرومنتيكيه
.. وش تحس به ياذا اللي منسدح بوسط شرشف .. ناقصك رضّاعه
.. حلالاة من فر الشرشف شوي لين تجي منخرط على جبهتك
شباب .. أحد معه أم صتمه؟
<<بندقية هواء تصيد الطيور وتلزخ الأوادم صح>>.. شرط في كراعينه على طول عشان يتوب ما يقعد يتشعبط في بيوت خلق الله .. مسوي فيها شبث مدري سبايدر مدري عنكبوت
<<اختاروا وحده
تراه طالع من ذا البلكونه .. يقاله الحين رايحن للصاله والا الحديقه
ههههههههههههه الله يقطع سوالفكم يا عيال بريمو يالمنسمين .. الحين وقت سوالف
طيب ذا الجثه اللي فوق لو يدور به راسه ويدبج عليك انت يا أخوه الصغنون اللي تحت .. ان تصيرون ثنينكم من صيد أمس .. ساعتها خل أم المعرض والفنون كلها تنفعك انت وياه
أما بعد لو يسعبل ذا اللي فوق خخخخخخخخخ
وش عنده ذا .. شكله رايح يرد على التلفون .. وإلا يشغل البشتخته مدري المسجل البكم ذا ابو مكرفون
إلا موب تسنهم لاحقين بعض .. لأن كراع الثاني باين في يمين الصوره .. داعس وراه
إما تسانه عشان التلفون .. ليت من يعرف رقمه .. عشان كل ما نزل دقيت عليه
طبعا كذا راحوا يداومون .. ما تشوفون أبو الشباب صافطن الشرشف .. وذاك مقفل ذا الستاره الزرقاء .. يقالهم مرتبين الغرفه قبل يطلعون
فيه واحد واقف ورا عربية الكراتين يتفرج .. تسن وده يرقى يجرب ... بس بدري عليه باين انه دوب ما يمديه
أنا ما قاهرني في كل الصور إلا الطاوله البيضاء .. وش لزوم أبوها يوم إنهم حاطينها
وذا الدوب متزاينن ساقه يوم يستعرض به
.. ودكم من يمسكه ويبرمه برمه خفيفه عشان يقلب ذا الشرشف
.. وتخيلوا الباقي
ما أدري من ذا الملقوف اللي مناديهم وخلاهم يلتفتون .. اللي تحت من الروعه بغى يطيح لو ما تمسك في ذا الحصاة
شكله واحد من جيرانهم يقول لا تطلون على بيوتنا وتكشفون معاورنا
<< كثر منها وعطنا كم كيلو
ههههههههههههههههههه قايل لكم ذا الدوب .. ما عنه وعن الطيحه
بس شكله ذهين .. عشانه ما ضمن نفسه .. رابط حزام الأمان .. وين يابو الشباب .. شكلك حاس إنك طيار؟!
والثاني بازن بذا الحصاة .. طول يومه متسمكن فيها .. على باله هي اللي بترده لو انشق الشرشف
حلالاة بس من ولع تحتكم حزمة شروخ
إن شا الله عجبتكم الصور .. وإلا الهذره لا تتدققون .. ترى الدعوى سعة صدر
<< أقول ما ودك تروح تجمع القطه وتدخل بها جمعيه
دمتم بود