الفكر شيخٍ معتلي ,وانا على داره معزوم=يـوم ان دلال القاف فاحت مد لي فنجالهـا
شربـت منه ياجعل, فنجال كيفه لي يدووم=اضمى واعود الها عساني ارتوي من جالهــا
واللي قصـد هزلاتهـا, ليته عن اشعـاره يـزوم=لانه وضيـع وللأسـف له حالتــن يرثــى لهــا
دلخ /وغبـي/ مايفتهــم ,واكثر مواقفـه الهجــوم=او يمتدح" روس العـرب" كان العطآيـا نالهــا
والمشكله أصلـه يعـود لوآآيــل اللي ماتـروم=انه تشــوف [التويجـري]واحـد من أصل عيالهــا
يدس في سمـن الحكي بعضٍ من انواع السمـوم=وده يطــول النــايـفـه,لكن حشــى ماطالهـــا
وانا مع اني "مـهـرةٍ" لكن بأعلمـه السلــــوم=(دامك
حويشـي يالردي مالك ومال ازمـالهــا)
الدينِ اِِحذر تقربَه ,ياراعـي العلـم الذمــوم=و[الشيــخِ] يكّرم عن هروج العاذل اللي قالهـا
كثر الحكي والثرثره, عند الرجاجيل الرخـوم=وأظن *جمعـات الضحـى* انتا خبيـر أشكالهــا
وان كنت شايـف انك المطنوخ,و انسانٍ جــزوم=شمَر عن ذراعك نشوف اليوم طيب افعالهــا
مع أني حيلِ واثقـه, بأنك تبي تكون (مهــزوم)=هذا ان تشجعت ابهجا, بيض الوجيه اقبالهــا
وأنـا اتمنـى بهاالحيـاة انك عن <الساحه>تصـوم=لا تفطر ابداً والعـربْ "تبـي تخـف حثالهــا."
ماطاح من صدر السما خفف على ضيق النجوم=ولاضرت الطيحه على ثبت الرواسي جبالهـا
اقول شعـري, والعـذر ان كان فالمعنـى لغــوم=<ثـورة بنيـه> و الحماسه طوحـت ابشالهـــا