الموضوع
:
قصتي مع النظره الشرعيه قبل الزواج...
عرض مشاركة واحدة
23-03-2010, 09:43 PM
المشاركة
14
¸.خَوْاطِر إِمَارَاتِيْه.¸
تاريخ الإنضمام :
Jan 2010
رقم العضوية :
34578
المشاركات:
3,340
رد: قصتي مع النظره الشرعيه قبل الزواج...
لــــجــــيــــن
مساج الله بالنور غناتي
ويا هلا ومسهلا فيج
قبل ما اقول لج رايي
بس بغيت اخبرج انج طولتي علينا
في السرد بس ما عليه
يقولون للضرورة احكام
قبل ما ابدي رايي
ما ابا حد يزعل من صراحتي
لانها حقيقه وواقع يستوي في زمننا
اختي شعارات ان الجمال
جمال الروح
وان الجمال ما يدوم واهم شي القلب
كله مجرد كلام فاضي
هالزمن محد يدور على الجمال الروحي
الا قله اقدر اقول لج بنسبة 3% هاذي الحقيقه
هالشعارات استوت مجرد شعارات باليه
انا انسانه اوافق على النظره الشرعية بما انها
لا تخالف لا دين ولا شريعه وخاصه
ان الرسول حث احد الصحابه يوم خطب
ان يشوف خطيبته شو المانع ان
يشوفها عشان ما يستوي نفس اللي استوى لصاحبتج
بخبرج الاطراف اللي تسببت في دمار هذا الزواج
1-
اسرة الشاب:
الام من فرحتها وحبها ان تشوف ولدها معرس
ما فكرت في طلبات ولدها وكان همها ان يتزوج
ويمكن جمال اخلاق البنت خلى ام الولد ما تفكر في شي ثاني
2-الشاب:
كان لازم يصر على ان يشوف البنت يعني
ما كان تفكيره الا انها تكون جميله مثل اختها
3-والد الفتاة:
حرم شي الله محلله والرسول حث عليه
بس تعرفين قمة الوقاحه يوم هالشاب خلى سيرة
هالبنت على السان اللي يسوى واللي ما يسوى
بس اتمنى من الله ان يستوي له موقف في حياته
يعرف ان الله حق
والله حرام
بعض الشباب اذا سمحوا لهم انهم يشوفون البنات
اللي راح يتزوجونهم
(النظره الشريعه)
البعض اذا ما في نصيب سكت ولا شهر في عرض البنت
بس البعض التافه منهم يجعلها حديث في مجالس
يارب لين متى نحن تفكيرنا سطحي
ولين متى نحن مسلمين بالكلام
بس افعالنا مناقضه للاسلام
اسال الله ان يوفقها ويرزقها بمن هو احسن عنه
لانها تستاهل كل خير
لجين مره ثانيه لا اطولين وايد في الكتابه
عشان ما اطول في الرد
لج احترامي غناتي
اختج
راقيه في حضورها
رد مع الإقتباس