. . .
مساء الخير .. والإحساس .. والطيبه
طبعآ بعد النجاح اللي حققه طبخي الأول البطاطس
زادت الطلبات علي وعلى طباخي .. عاد انا قفلت جوالي 
مارديت على أحد على أساس اني بسوي لكم شي واطبخ لكم ذيك الطبخه
اللي ماصارت ولا استوت .. !
. . .
طبقنا اليوم عباره عن معكرونيــا بالقشطه
طبعآ ان شالله يكون خفيف عليكم .. مع الشرح بتحسون
انه يطول .. بس هو ماياخذ اكثر من ساعتين بالكثير!
نبدأ أول شي :
نسلق الدجاج
ونقطعه صغار صغار ..
]
والمكرونه نسلقها بعد .. ممكن أي نوع من المكرونه بس انا أفضل اسباقيتي الأعواد ..
ونصفيها ..
نقطع البصل شرايح ( كمية البصل لازم تكون كبيره يعني كيس واحد مكرونه يبي له 4 بصلات متوسط الحجم ).. أما الفلفل الأخضر حسب الرغبه اللي يبغى يحط ..
طبعآ البصل مقطع هنا صغار .. الله يهداها الشغاله قلت لها قصيه شرايح مافهمت .. بس مو مشكله
مايؤثر .. برضو دقي ثوم .. بس نسيت اصوره
نحط زبده في قدر الطبخ .. والمقدار تقديري منك .. على حسب كمية المكرونه اللي عندك
بعدين لما تذوب الزبده .. حطي الثوم والبصل والفلفل
وعشان البصل تشرب بالزبده .. حطي شوية زيت .. ماعليكم من السله .. بس مسوية شوي أكشن
بعدين .. لين يذبل البصل ..نحط الدجاج فوقه
ونحركه .. وعلى بال ماينطبخ الدجاج .. نجيب طاسه حق الشوربه .. بس شوي اكبر منه
ونحط فيها حبتين ماجي ..
ونصب عليها ماي مغلي عشان يذوب الماجي .. وبعدما ينطبخ الدجاج
نصبه فوقه
ونخلي الخلطه تغلي .. وبعدين
نجيب قشطه .. علبه وحده .. على حسب الكميه زي ماقلنا بعدين نحطه فوق الخلطه ..
مع التحريك يطلع لنا هالشكل
نحط على الخلطه بهارات .. ملح -فلفل اسود - شوي بهارات مخلوطه
بعدين خمس دقايق نخليها على النار لين نحس انها تشربت بالبهارات .. (ذوقيها شوفي
بهاراتها زين او ناقصه )
بعدين جيبي المكرونه وحطيها فوق الخلطه
وحركيها .. ولخبطيها مع الخلطه زين ..
بعدين خليها شوي على نار هاديه
وقدميه بهالشكل ..
وبالعافيه على قلوبكم ..
. . .
عاد لاتشرهون على التصوير .. والمطبخ والمواعين اي كلام
بس اهم شي الأخلاق ...
lu;v,kdJJJh >> Yklh YdJJi !!