الموضوع: ~ فـــن & تــهــــور ~
عرض مشاركة واحدة
قديم 18-08-2007, 05:01 PM
المشاركة 11
الصورة الرمزية $الرايـق$
$الرايـق$
عضو عذب التواجد
  • غير متواجد
موضووع مهم ورائع واشكرك عليها
انا طالب بالثانوية الى الان ولكن ادرسها بالبحرين فالاحظ الاختلاف الكبير في التفكير والانشطة والمهارات اللي بينا
وبينهم وهذا لاسباب كثيرة جدا جدا منها:

1- الفراغ الكبير للشباب يعني الواحد ما يدري وين يروح واكيد ناس منكم بتقول فيه حلقات دينية وفيه اماكن اسلامية
بس الى متى!! يعني بقعد مرابط طول عمري على الحلقات الاسلامية!! وبعدين!! وين اروح!!

2- كل الاماكن الموجودة واغلبها للعاااااائلات وما بقي شي الا للعايلات!! وحتى الكورنيش رحت مرة مع اخوياي
جت الهيئة وسوت لنا سالفة على ولا شيء!! وتقول انه الكورنيش يفضل يكون للعايلات!! لدرجة انه تقاططنا مجموعة عشان نشتري شاليه ولا شقة هناك افضل واريح عشان نسوي هواياتنا اللي يدق عود واللي عالطبل
لانه ما ناخذ راحتنا بالكورنيش وحتى الهافمون قعدنا مجموعة شباب وعود وطبل يعني بعيد شوي عن العائلات جت الهيئة وتقول المفروض تكونوا بالمسجد وكان باقي عالصلاة نص ساعة!! والمشكلة اصلا ما فيه مسجد بالبر!!
3-الانغلاق!! الحين فيه آباء مقفلين على عيالهم وحارمينهم من كل شي خوف من الحرام يعني الدش ممنوع والمجمعات ممنوعة عليهم والطلعة الى الشارع ممنوعة والانترنت ممنوع لانه حرام والسواقة ممنوعة عشان
ما يفحطوا!! طيب هذي حلول مؤقتة ومعروف ان كل ممنوع مرغوب لانه ما قد جربه ولا شافه ولا شاف الناس كيف
يعني اذا كان ممنوع من الدش وهو صغير بيركب دش وبيركب اللي اسوا من الدش!!
اللي منع من السواقة وهو في ثالث ثانوي اكيد بيفحط ويسوي اللي مزاجه لانه انحرم منها كلها وبيحاول يستغلها قدر الامكان!!

شكرا عالموضووع المهم