منتديات الأماكن - عرض مشاركة واحدة - تحب الاماكن تبيها افضل .. وش تبي نسوي عشان تكون مبسوط

10-04-2012, 09:31 AM

المشاركة 16

abud3d



رد: تحب الاماكن تبيها افضل .. وش تبي نسوي عشان تكون مبسوط

1- الشورى ياجماعه الشورى مانبي شي يصير بتخطيط نفر نبي المجموعه يتشاورون في كل شي
والمجموعه اكيد هم الاداره مشرف ومراقب قسم ومراقب عام واداره مانبي قليل يخططون ونحن نمشي
بصراحة انا لي راي ولي كلمة مثل ما للـ 4 او الـ 5 لهم راي سبحان الله يحطون لي موضوع مميز ويبغوني الا امن ان
هذا الموضوع مميز او هذا العضو مميز لا ياجماعه اذا انتم اربع او خمس تخططون وتبغون توهموني ان هذا
الموضوع مميز او هذا العضو مميز او هذا القسم مميز فتاكدووا ان فيه اكثر من 5 يقولون ان
اختياركم خطا فليه تعرضوا نفسكم للكلام اعطونا الشورى خلونا نتفق ونوصل لحلول الامر ماهو صعب
انا اعترررررررض

2- مشرف مره بليد مايشتغل مايسوي شي وكثير غياب وقسم طايح وماهو شغال >> اركز على الاثنين
جيت اخر الشهر الا هم مميزين >> احس بمغص عجيب يوم اشوف كذا
انتوا تلعبوا على اللحي ؟ والا تضحكوا على الدقون !!
ياجمااااعه اذا انتم قصدكم تشجعون القسم او المشرف صدقوني انتم تخسرونه لانه هو بيستعجب
انا من الناس اللي كنت اتكلم مع كذا مشرف ومشرفه والله يقولون انهم متعجبين>>راعي الامر متعجب
اتمنى الصراحة تقال وان الامور تكون سهله وميسره فديتكم حبايب البي

امممم يعني ودكم تشاركونا الاختيار
ليش لا
بس ابي المشرفين يوعدوني ويكونوا امنين في اختيارهم ومن عيوني الثنتين
نضع ترشيح افضل موضوع وافضل عضو وافضل مشرف الشهرية في المنتدى الاستشاريه الخاص بالمشرفين
وكلي امل ان لا اكون وضعت الثقه في غير مكانها

3- اعضاء قداما في الاماكن ذهبوا ويمكن نشوف لهم تواجد من بين وقت للثاني بعطي امثله
ليت ايامي حلم .. مبسوطه .. الحر القطامي .. سندريلا .. وغيرهم
العجيب انهم بيتواجدوا وانا مانكر اني حاولت اكلمهم يرجعون بس ليه الاداره ماهي مهتمه
يعني هذولا الاعضاء يوم كانوا في الاماكن ماسوو شي اللحين اقل واحد فيهم عدد مشاركاته 2000 تقريبا
ارجوا ان الاداره تهتم في القداما شوي>> لاني احس نفسي وشوي اصير تراث

اوعد الجميع اننا سوف نهتم بهم بس ياليت يبادلونا الاهتمام بالمنتدى ونكون يد بيد للنهوض بالاماكن

4- فارس الاسبوع .. مشكله جديده الاماكن ماتعي وين الخلل فيه ولكن على حسب نظري
ياسر عضو جديد في الاماكن توه مسجل ماله اسبوع بس ماشاء الله عليه شارك 100 مشاركه
والمانشستراوي مسكييييييين ماااره اسبوع وهو يسوي مشاركات ويتعب حاله وفي نهاية الاسبوع
يجي ياسر اللي توه مسجل ياخذ لقب ( فارس الاسبوع )
والله انا ياسر راح استعجب واقول معقوله انا فارس الاسبوع وانا اشوف المانشستراوي كل يوم يكرف ويتعب واحسن مني
وبيني وبينكم راح احس ان فيه عطل في المنتدى وانهم حتى لو اكرموني فيه عيب في الاختيار ومع نفسي
حتى لو كملت ثلاث اربع ايام راح اترك الاماكن >> الا قليل وهذا نادر جدا
تعرفون المان صديقي وحبيب قلبي ورجال كفو ونعم الرجال رجال عتيبه وما ضربت المثل فيه الا من حبي له
واذا زعل له حق عندي

اتفق معك بإن بهالموضوع ولكن عندما نهتم بالعضو الجديد يشعر بالتقدير له وان المنتدى منتدى ليس فيه تعصب وشليليه
ويكون اكثر نشاط بالمنتدى انت تشاهد الصورة من زاوية ونحن نراها من زاوية اخرى
فمالذي يحصل عليه العضو اذا اصبح فارس اسبوع من مميزات ، يحصل على مشاهدة المتواجدين فقط والاعضاء لا يشاهدون المتواجدون الان

6- الخلود .. ماقصرتي في عالم الاماكن ولم اراك يوما قلتي لاحد لا والكل مثل اخوانك واحسك راعية وفاء ..كلمة حق
شمالي العيار .. تدرون انكم انتم اللبنه الاساسيه للمنتدى والا تبوني اجي افحط معاكم
انا من الناس اللي لمن اشوف العيار او شمالي موجودين تتولج القريحه عندي وابتدي بالمشاركات طيب حاولوا
تتواجدوا اطال الله في اعماركم كل يوم في كل الاوقات ماهي صعبه لو من الجوال حسسونا ان الادراه فيه
كذا استمروا شهر كامل تواجدوا ياناس سووا ردود من بين ساعه لساعه يعني في اليوم 24 مشاركه كل ساعه مشاركه
والله الجفا يموت العزيمه وانا عندي عزيمه وابي اشارك يالله قووموووووووا

ان شاء الله سوف تشاهد ما يسرك

7- المواضيع المتجدده .. لاهي عيب ولا هي حرام ولا هي غلط والاند نفس الكلام فاتمنى لا تقتصرون
النظر الى من يلتزم هذه الامكنه بالتقصير ارجوكم طالعوا في ابداعاته هو يعني انا اشوف كذا عضو وربي مبدعين
نبي فقط تقديس للابداع والمبدعين فارجوا النظر

حيكون هناك موضوع في اللاند بيعجب الجميع وراح يكون فيه جوائز واعتقد انه بيعجب الجميع
بس انتظروا نخلص من هالموضوع

8- فيه اقسام فاضيه ماعليها مشرفين ياليت تشوفون مشرفين ..

ان شاء الله راح نعين مشرفين بس خلوا العالم ترجع ويتحرك المنتدى ومالكم الا اللي يرضيكم

9- تكلمنا في موضوع التوقيع اللي يصاحبه اغاني وقلنا لا وخلاص اتفقنا >> يازينك يامبراطور

10- برجع لموضوع الصور النسائيه في ما سبق ناقشتني الخلود بادله شرعيه وقلت لها مدام الامور فيها ادله
انا اول من يوافق على اي شي ينصه الشارع الحكيم بدون اي تعلل ولا تكلل وماعلي الا السمع والطاعه
ياناس احسكم قلبتم بنات المنتدى بويات هههههههههه

هالنقطتين لا تناقشني فيها ابدا
صور نساء وموسيقى انسااااااها

رد مع الإقتباس