ابكتب اشعاري على بيض الاوراق =واللي ينومس نجمعه لك هديه
من قبل لاتيبس بنا حلو الارياق = بكتب قصيدي واعتبرها وصيه
محدن على يومه حمل صك ميثاق = ولحدن بيدرك عمره متى المنيه
طير المنايا حايمن حول الاعناق = بأمر الولي الوالي رب البريه
يالله ياقادر ويامعطي ارزاق = تغفر ذنوب اللي حياته شقيه
من قبل لاتطوي لساني بالانطاق = وتعجز يديني مابها مقدريه
وتشخص عيوني ويتزايد بي اشهاق = تغفر لمنهو طالبك ياوليه
وبرجع وبكتب ماتحيابه ولاق = بيتين ابنحتها تراها طريه
يشهد بها الله ماتحيت لنا أشواق = لغيرك..وشخصك ياحبيبي نقيه
ياجامع وصوف الحلا وزين الاخلاق = ياشخص واحد منور الكون ضيه