ياصاحبي يلزمك تعرف حياتي=دامك جديد بصحبتي فالدراسه
كانك تحط الزين لجل البناتي=المعذره مالي بدرب الدناسه
جدي
موصيني يامال الغناتي=وصيته تبقى ولاهيب منداسه
قال اطلب العليا وخل الدناتي=لاتنتكس لو دنيتك جت نكاسه
حبل المراجل جوّده للماتي=لايرتخي بيمناك وتعلن فلاسه
هذي وصاته ماعليها شتاتي=نذر ٍعلي تبقى لنواف نبراسه
والي تريده مني ابروم شاتي=قلنا العذر والشات اخبر بناسه
وداد وغاده والمها ياهناتي=وعبير هي قلبي وتبقاله انفاسه
كفا من التزييف يا آهل البناتي=ماتت ضمايركم وصارت نجاسه
وين الشعور ووين رمز الوفاتي=وين الضمير الي ينبهكم احساسه
تكفى كفى ماقلت مثل النباتي=ماني تبيع لدربكم معمي الطاسه
يبليني الله يالخوي في خواتي=وماينفع التشبيك لجل الوناسه
قلي نعين او فزعتن دون تاتي=فعل الرديه والدنى والخساسه
وابشر بيمنى ماحسبّت للي فاتي=تنمد للفزعه وتطمع بنوماسه
ومرسال تقريرك عليه الشماتي=خذها بوجهك لو تسبب تعاسه
اللي سمعته ماشملني بصفاتي=ولاني كما الي دق راسه بفاسه
ماخذتهم من شان اهني مباتي=اخذتهم من ذيب كش الشراسه
من قبل لايشرس تلقى عصاتي=بالراس مضربها ليا حد ساسه
والحق مايعطى بغير الثباتي=ولانيب انا مرؤوس ولالي رئاسه
حر ٍ قطامي اعتلا النايفاتي=خزات عينه للحباريّ جساسه
وخط القلم لو جيت ابكتبّه اهاتي=مايفيدني الحبر من غير قرطاسه
منهو فهمها له هديه بشفاتي=اموآه وآمواه بخشمه وراسه