منتديات الأماكن - عرض مشاركة واحدة - { أنـا فـي محل ضمير مستتر تقديره الـ آه .!

06-03-2009, 07:30 PM

المشاركة 20

⌠اڶـﮪـاوٍيـﮯ™⌡

عضو عطاءه غير



رد: { أنـا فـي محل ضمير مستتر تقديره الـ آه .!

أهلاً

بعد شهرين من بداية السنة الدراسة 30/29 هـ ,,

فتح مدير مدرستنا ( ثانوية الدرعية ) منتدى للمدرسة ,,

في حدود 4 أشهر قابلة للزيادة أو النقصان سجلوا حوالي 296 عضو ,,

90% منهم طلاب ومدرسين والباقين طلاب متخرجين من الثانوية ,,

مع العلم إن مدرستنا فيها حوالي 700 طالب

أقدر أقول 75% ما عندهم خبره في الحاسب ولا الإنترنت ,, قراوة

سجلت في منتداهم ,, وماشي الحال ,,

بس المشكلة إن الأعضاء الصاحيين اللي مشاركاتهم زينة ينعدون على أصابع اليد ,,

مرة حطيت موضوع يتكلم فيه عن طموح الشاب بعد أن يتخرج من الثانوية وكان موضوع تفاعلي ,,

وكنت كاتب في عنوان الموضوع (( مفتوح للنقاش ))

وحطيت أول شيء في أول سطر في الموضوع جملة (( الرأي والرأي الآخر )) ,,

بعد ما حطيت الموضوع ,, كان فيه تفاعل شوي من الأعضاء الصاحيين ,,

بس النشبة الأعضاء المفهين ,, يجيك واحد داخل غلط ويقول مشكور

هذا قبل شهر تقريباً ,, لكن ألحين ,, الأعضاء الصاحيين ناموا وما عاد يشاركون ,,

وأكثر من 95% من المواضيع في المنتدى ما تتعلق بالمدرسة ولا الدراسة خير شر ,,

قالبينها منتدى عام

يجيك واحد داعس 200 توّه مسجل ويحط موضوع ديني ,, ينقاله يعرف الدين (( إلا من رحم الله )) ,, استغفر الله العظيم بس

والمشكلة إن موضوعه منقول إضافة إلى انه مكذوب ,, والحديث اللي فيه مو صحيح

واللي يقهر لا قلت لصاحب الموضوع إن موضوعه مو صحيح وأحط له فتوى بعد من عند أحد الشيوخ مع الرابط للتأكيد ,,

يقوم يرسلي رسالة زوار محتواها (( يا شرهه يا ضعييييييييييييييف يا لا تسوي انته الي فاهم وتسوي ترد قلك ايش قلك امعه
يشيييييييييييييخ طيييييييييييييييييير ))

زعلان لأني كتبت ( لا تكن إمّعه ,, تنقل ولا تعرف ما تنقل )

نرفزته ,, طبعي كذا حاولت اغيره لكن للأفس

,,

من عادتي انرفز اللي يخطي وهو عالم بخطأه ,, أو إنّه مُخطي إنّه أخطأ << افلقني إذا أحد فهم الجملة الأخيرة

طبعاً مو بس هذا ,, في غيره كثير ,,

لكن اللي يقهر أكثر من كذا كله ,,

يجيك واحد بعدي ماغط الطبلون يحط رد في نفس الموضوع ويقول لصاحب الموضوع مشكور !!

ليه ؟؟!! شايف ردي انفيزيبل وإلا من ذبذبات الأشعة تحت البنفسجية !!

السبب ,, يبي يزود ردوده ,, يشتغل في المنتدى على مبدأ "انقل عشرطعشر موضوع ,, وحط خمسمية رد كلها شكراً"

تصدقون ,, فيه قسم مسمينه ( منتدى تجارب الكتابة ) << طبعاً فاتحينه للقراوة اللي ما يعرفون للمنتديات

<< مو منهم للعلم

خبره 5 سنوات في الكمبيوتر والنت

كنت ابجرب أدوات صندوق الكتابة ( الصندوق الماسي ) حطيت موضوع وفتحته وقمت أكتب وأزيّن وأحط صورة مشوشة هنا وأحط بيتين بألوان مدرجة ,, المهم جربت كل شيء فيها ,, حتى اكتشفت أشياء أول مرّة اعرفها

والمعروف إن لما أحد يفتح موضوع في هالقسم ( تجارب الكتابة ) محد يرد عليه ,,

لكن في نفس اليوم اللي حطيت فيه الموضوع جاء واحد عنده أعلى مشاركات في المنتدى ( كلها شكراً للعلم

) وحط رد في موضوعي