صحيح يمكن عن عيوني تغابين=لكن وربي في خفوقي مقيمه
يبقى غلاك أيام وشهور وسنين=وتبقين حبا" مات غدر وضليمه
لمر طيفك هل دمعي من العين=سلواي بس الذكريات القديمه
تذكري يوم الغلى يجمع أثنين=تذكري كيف النوايا سليمه
تذكري وشلون كنتي تغارين=واقعد أحلف انك أبقلبي يتيمه
أقنعك بعض أحيان وأحيان تقسين=وروح وارجع بس كلي عزيمه
وليا نضرتي في عيوني تقوولين=اعرف وفاك وحبنا الله يديمه
يحلونا راضين أو غير راضين=حتى الزعل مكان له أي قيمه
نزعل ثواني ونتصالح وتبدين=في شرح أحاسيس الغرام العديمه
نحلم ونبني مادرينا مساكين=ان الزمن ماله عن الغدر شيمه
والناس ماترحم قلوب المحبين=وأسم المحبه في نظرهم جريمه
عنك حدوني غصب وأنتي تشوفينن=متباشرين وكاسبين الغنيمه
ورحتي عذاب ورحت بلقلب جرحين=جرح الغرام وجرح فرقا الزعيمه
بس أذكري وشلوون كنا وتدرين=أنك خساره في حياتي عضيمه