الموضوع: دايم اسمك أناديه
عرض مشاركة واحدة
قديم 16-07-2011, 06:48 PM
المشاركة 2
الصورة الرمزية أتقهوى عذابك

 

  • غير متواجد
رد: دايم اسمك أناديه
تدري علامي دايم اسمك أناديه
عشانك اللي يثلج الصدر طرياه

وتدري علام القلب ينشد غناويه
ومتلحفٍ بالحب أقصاه وأدناه

لأنك ربيب الحسن مع كل ما فيه
وكل الكمال أصبحت طلة محياه

وتدري علامي ضايعٍ ضيعة التيه
لأنك بعيد الدار والهم شفناه

والبعد نارٍ وسط قلبي وتكويه
وأدواء غلاك وصدتك ما لقيناه

ماعندي إلا ادهده القلب وأعطيه
جرعات صبرٍ بس صبري فقدناه

وتدري بدا فكري يضيع خطاويه
لادق ناقوس الخطر ما قويناه

تثور في صدري براكين تشويه
كأن الصدر قلاية القلب تقلاه

وتصير ناره تشتعل منه أو فيه
ولالي جدا ياكود رباه رباه

تكفى تعال وخل عنك المشاريه
تعال لي فزعه وفك المعاناه

عجل علي فديت روحك وغاليه
عجل بقربك ياغناتي فديناه

ليتك تحس بلوعة القلب ياهيه
وأنت الوحيد اللي نتوق لعطاياه

ومن قدرك اللي مابه احدٍ يساويه
رسمت لك بالعين صوره مخباه

وهذي نتايج همي اللي اعانيه
دايم لحالي واكتب الشعر واقراه

وليا كتبت الشعر اعود واغنيه
وليا قضيت اقول ويلاه ويلاه

ولاعاد باقي شئ من شان اسويه
إلا إني اكتب لك قصايد مغناه

ورغم إن عقلي يفتخر في مباديه
ضاعت حلوله لين ضيعت مبداه


كل ما اعجبني بيت لقيت اللي بعده احلى
نسخت القصيدة كامله


صح لسان من قالها
وتسلم يدك على طرحها


تحياتي وتقديري