بـــــــــــــــــــــــــ( الورد )ـــــــــــــــــــزوغ
بـــــــــــــــــــــزوغ ألــــــــــــــــــــــــورد
ليه تقهرني وتسأل عن بلاي=وانت تدري أن ودك بي مقيم
ياعديل الروح خذها من خفاي=لوعة الحرمان والحب اليتيم
يادواي وداي ياداي ودواي=شقلب المعنى بكيفك يافهيم
أعترف وقول لك وجهه وراي=وانت تدرك وين لذات النعيم
تلهث انفاسي تعثر بي خطاي=قدم عينك لاتقول أنك غشيم
ليه؟يانجم(ن) لمع لي في سماي=تبتسم وتلوذ بالليل العتيم
لا تجاملني على سيرة ضماي=مثل ماعندك ترى عندي لطيم
ياصدي عمري وياجمرة شقاي=قصتي وياك بصمت البهيم
ياجنون الحب يامرسي غلاي=العهد مازال في قلبي حشيم
و(بالعلا أجبال) شبهه بوفاي=ولاتموت الشمس لو نامت بغيم
يانسيم الشوق ذكرهاعناي=داعب العشاق تكفى يانسيم
لا تعذر عمر حلمي في رجاي=مايهم الفرق والمقصد سليم
ياجمال الروح روحك هي فداي=أنحر المعنى بعرفك يازعيم
يابزوغ الوردصبحكم هواي=لاتقول ان العطاء فيني عقيم
وبالختام اختم مفاهيمه حشاي=والسلام بسلم مسلم مستقيم
عادل الخالد
12-1248
يمنع النقل لحفظ الحقوق الادبيه
fJJJJJJJJJJJJJJJJJJJJJJJJJ( hg,v]