الموضوع: رج ــــتي ماهي مثل اي رج ــهـ...رج ــتي من نــوع راقي ...!!
عرض مشاركة واحدة
قديم 01-12-2010, 07:55 PM
المشاركة 227
الصورة الرمزية {.. ليت أيامي حلم
{.. ليت أيامي حلم
عضو يفوق الوصف
  • غير متواجد
رد: رج ــــتي ماهي مثل اي رج ــهـ...رج ــتي من نــوع راقي ...!!
انواع المذاكره


واحد يجيك قبل يوم الامتحان بسبوع تلقاه مسنتر في الغرفه مايطلع لزقه لا وازيدكم من الشعر بيت طبعا يكون دافور

يحضر اول باول ويجلس من 4 الى 6 ساعات وهو يقزز في الكتاب يوم تجي تناديه يرفع راسه يطالعك

الا تتفاجأ بالحول اللي صابه الله لا يبلانا بس


اما الثاني يجيك قبل الامتحان بيوم يفتح يقرا له كم كلمه وبعدين عاد سلم عليه تبدا الفهاوه على اصول

مايدري وين الله حاطه ويوم انتايج اذا جاب العيد يقول يووه حرام قسم مذاكر زين

اقول بس ابلع العافيه

اما الثالث يجيك نفس يوم الامتحان يفتح الكتاب يقراه قرايه كنه يقرا قصه والا مجله اشوي يسرح واشوي ينام

اشوي يطالع مسلسل وبعدين عاد يجيب العيد والخطوبه والعرس بعد <<برا


الا على طاري العرس قبل كم اسبوع كنت في قطر

اهلنا اللي هناك قاعدين يشتكون لي من طقاقه سعوديه الله يستر علينا وعليها طلبوها شخصيا عشان تغني لهم

سمعوا انها ملتزمه ومافي موسيقى بس دف (جبناها احنا في اكثر من عرس كانت زينه)

في قطر اعراسهم بدري من 7 تبدا كل الناس تجمعوا صار 9 ولا جات فشلت اهل العرس

يوم جات 9 ونص قالولها ليش تأخرتي قالت وش عليكم احنا جايين من السفر وقامت تنافخ عليهم

وجلست بسطت ومابدت تتطق الا 10 لا اول مابدت بأغنية للسعوديه قسم تحفه

الحين العرس في قطر وتغني عن السعوديه <<تحسون نذاله

واغانيها قصيره 10 ثواني وتخلص <بلا مبالغه لا يعني قصيره مايمديهم يرقصون <<كنتي معهم

وتجلس سااعه عشان تقول اغنية ثانيه يقوم قالولها اسرعي قالت من الطقاقات انتوا والا احنا

يابنت الحلال فشلتي اهل العرس اخلصي

لاااااا وشسمه بعد عاد تعرفون احيان العجايز يقومون يسوون برنشت

اللي مايعرف برنشت يعني كلووووش يعني ينثرون عليهم فلوس يعنيهم يقطون عليهم <<ماخليت لغه

جاو العيال <<العيال الاطفال مو الشباب <<لا ياشيخه

المهم جاو يجمعون الا تنقز ذي وقفت طقها وقالت :ياجماعه ابعدوا اطفالكم عن المسرح الفلوس هذي فلوسنا

جات ام العروس عندها قالت الطقاقه: احنا بناخذ هالفلوس وانتوا نقصوا من الحساب

المهم في نهاية العرس راحت ام العروسه بتعطيها الحساب وطبعا نقصت منه الا تنط هالطقاقه وتقول

لال معليه ليش نقصتي احنا باقي علينا حساب الفندق والطريق ومدري شنو

طبعا ام العروس مغلوب على امرها مو فاضيه حق مشاكل عطتها حقها وزياده

عاد طول الوقت وهم يشتكون لي وانا اقولهم ماعليه اسمحوها بوجهي وانا مو قادره اطالع فيهم من الفشله

<<برا ليش بنت الطقاقه لا سمح الله هذي ما تمثل السعوديه ولا شي <<فجأة نبض عرق الوطنيه

وبس عاد صج الفلوس تغير النفوس تحسونها مو شايفه خير

خلاص مالي خلق اكمل انواع المذاكره تعبت وانا اكتب




.
.
.



( ؟ )


http://www.al-amakn.net/vb/uploaded/...1288888710.gif