يـا قصايـد جمليـنـي وجمليـهـا
واكتبينـي يـا قصايـد واكتبيـهـا



اخبريها يـا قصايـد عـن حقايـق
عـن مشاعـر داخليـه اخبريـهـا



حالتـي تعجـز عليهـا هالقصيـده
والمشاعر فـي خفوقـي يحتويهـا



من غلاها صرت شاعر وصف ثايـر
بين قومه فـي معـارك كـان فيهـا



كان حد السيـف يقطـع كـل نـازل
والغنايـم يـا عـرب كـلٍ يبيـهـا



كان من بين العـذارى بنـت وحـده
واثقـه مـن فوزنـا بنـتٍ لبيـهـا



انطلق فـارس عليهـا مـا تنـازل
كـان اسمـي يـا قبايـل يعتليهـا



غيرت كل الحـوادث يـوم صاحـت
كـان حـد الـدم فايـق ركبتيـهـا



صرت امشي ما عليه مـن عـدوي
كل عـذرى فـي بـلادي احتميهـا



يوم مـر العـام اكثـر زود يمكـن
الحبيبـه فـي مرضهـا زاد بيـهـا



الطبيـب الـي يعالـج قـال يمكـن
احتمال المـوت صاير(مـا يجيهـا)



اظلمت كل الاماكـن وسـط عينـي
والبـروده فـي عظامـي تهتويهـا



قـال لـي الـي يعالـج استمعنـي
فيـه حـلٍ لـو تبيـهـا افتديـهـا



قلت كلـي فدوتـن لـه يـا معالـج
فـي غيابـه كـل ليلـه اشتقيـهـا



قال مالك كـود حـلٍ صـار واحـد
بالطحالـب كيـت كيـتٍ نشتفيهـا


قال معكم لـو تبوهـا يـا جماعـه
بعـد سابـع ادفنوهـا مـع ابيهـا



قلت قايم مـن مكانـي لا محيطـي
اقطـع الوديـان والـي يختليـهـا



في غرامي لو اموت اليـوم راضـي
المهـم ابقـى معاهـا وارتويـهـا



غصت خمس بحور ابحث عن طحالب
بعد جهـدي كـل جهـدي يلتقيهـا


اغتنمت الوقـت كلـه ليـل سـادس
والحبيبـه كـل دمعـه مـا تفيهـا



يوم جبت عـلاج خلـي واستذاقـه
ضحكـة الاكـوان خلـي يشتهيهـا



كل حزني في عذابـه صـار ماضـي
والليالـي السـود يلعـن والديـهـا



افتخـر يـا نـاس كلـي بالحبيبـه
بنت شيخن ما تخيـب مـن يجيهـا



عزتـي عـزة حبـيـبٍ للحبيـبـه
اول الاسـمـا تـنـادي تنتخيـهـا



يـا قصايـد اكتبيـهـا للعشـايـر
رسم شاعر يـا قصايـد اوصفيهـا



الشعـر اشقـر تمايـل مثـل سيـلٍ
انحدر مـن قمتـه لارضـه عليهـا



جسمها الفتان يغـري كـل شاعـر
كل شعـري مـن وراهـا يقتفيهـا


عينها صارت كمـا عيـن المجـرب
تعرف اسـرار الخلايـق لـو تبيهـا



مشيهـا بيـن الخلايـق مثـل زولٍ
قد ذبح مليـون نفـسٍ مـع ذويهـا



واثقـه مـن نفسهـا والله عطاهـا
زيـن خلـقٍ والصراحـه ترتضيهـا


وياقصايـد اعذرينـي لـو مقصـر
قدرها اكبر مـن الـي قلـت فيهـا



لكن كريمه بنـت شيـخٍ مـن كـرامٍ
كلمـة الميثـاق كـلـه تحتميـهـا



اعذريني لـو عشقتـك يـا فتاتـي
انتـي الاشعـار وانتـي تجمليـهـا