أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
مادري وش السبب الي خلاها فجاءه تبتعد وتصد بس ياريتها قالت لي ولااعرف بطريقتي !!
هي صديقه عرفتها من الاماكن وافتخر انها صديقه لي وببقى افتخر لو مهما صار ويبى قلبي مفتوووح لها وانا متاكده انه بيكون لها عذرها الا في حاله وحده انها انسحبت بهدوووء وماتبي تقوولي انها تبي تنهي الصداقه والمعرفه لهذا الحد
تاكدي مستعده اسمعك وقلبي مهما كان مايشيل ولايحمل ضغينه وبالعكس قلبي مفتوووح لك باي وقت وانتي عارفتني زين
بس لو قررتي ماتقولي السبب وتتكلمي معاي كل الي اتمناه لك السعاده وربي يوفقك
وحياك ربي باي وقت حابه تتكلمي فيه ,,,,
~~برايفــت~
ا
ايميلي وعندك زي ماطلبتي وياريت ماتجاملي على حساب نفسك سعادتك تهمني
الايام الي راحت وخصووصا بعد رمضان والعيد انواع لخبطة النوووم لدرجه صار معاي ارق وارهاق
انام ساعتين وثلاث باليوم بس وانواع الصداع وغير هذا مزكمه يعني كملت من مجاميعوه
لي كم يوم مادخلت الاماكن اشتقت لها وربي ودخلت قلت يابنت يالله اجتهدي وشاركي بديت بقسم نفحات بكم موضووع وعلى موضووع جوري فديت قلبها عسى ربي يرجعها لنا وقريب
ابي اكمل باقي الاقسام لقيت نفسي خلااص مرهقه ابي انام وبجلس اتعارك معه ولاراح انوم
مادري وش اسوي ابي انوم زي اول 6 ساعات واقوم مثل الغزال
الحين اكتب واحس الدنيا نجوم وسرير بطلع احاول انوم والله يعيني
واعتذر للحلوات الي طالبين مني حاجات وتاخرت عليهم والله التعب ذابحني والا كان من عنوني
تبداء بغزو مخيلتك,, لتقتل مشاعر من ظننت بهم قبل أن تقتل مشاعرك ...
ولكن!!,,
حين تكون تلك الظنون في قلبً أحبك,, ونبض أخلاصاً ووفاءً لقلبك أنت,,, فبظنك كيف هي مشاعره حين تهديه ظنك؟؟؟!! مؤلما لحد الموت ,,وموجعاً لحد البكاء..مشاعر تتخابط داخلك بين جرح ,,,وألم ,,,وأحساس ًبنضباتك تتسارع,,
وفجاءه..! تقف لتشعر أنك بدات تفقد روحك على مهل ,,
تتعذب مطولاً لتلتقط أنفاسك لكنك لاتستطيع ..تظل تحاول لتنزل دمعة تصل إلى قلبك لتسعر جرحه مرة أخرى بملوحتها وحرارتها ,,لتعود أنفاسك لروحك ولكنها أنفاس مؤلمه تتمنى وقتها أنها لم تعد إليك ,,,,,,
شلونكم وتسيفكم مع ذا البرد عسى ماتجمدتو بس يقولون درجه الحراره 4وكلما لها بانخفاضتهقون بنوصل لتحت الصفر ويصير في ثلج ونتزلج صدز لو صارت ابرد من تسذا وش بنسوي,,؟ 4 وانواع الخلاقين تسيف لو اقل بيصير الواحد يمشي على الترقيعات والخلاقين تسنه حفله
يبسنا ذا البرد الواحد صار ازول من الزول يالله ترحمنا برحمتك بس وتحفف هالبرد مير تقول جدتي هذي الشبط 45 يوم واحنا ننحمس برد وتوها ماراح منها اسبوع ياتسبديه بس بنصير قطع جليد بقولكم سالفه صارت لي في ذا البرد قبل امس كنا بالاستراحه وتهب ذيك الهبوب الي طيرت الكشه والبرقع وتوابعه من برد الهواء وانا اشصب مكاني يقولون لي تعالي قلت تسان ودي مير أني مشصبتن متساني جمدنن البرد متساني بغت تطقني البتسوه الا شوي يوم شفت اني تسذا واستجمع شجاعتي والملم شتات ديرمي ونفسي وانا انفس عن ساقي واذا بي اركض ركضاً شوي بغيت اطير ابوي يوم طلع بخشتي <تقلعي وسالفتس لي بكبكات بعدينات بصور ارزهن هنا يالله فوتوكو بعافيه ودفايات دافيه كل من سير وطب هنا