يارب ساعدني ليا صرت مديون = بردّن ينومس يالولي وأستجيره
إركد ياجن وهات لعيوني عيون=من فوق خشم العان وألمح سميره
سلام يالحر القطامي على هون=ماهو بنا اللي يتّقي عن عشيره
أبشّرك يالحر ماني بمحزون=بالعكس طيّب والعوافي كثيره
لكن تعرف أحيان لاصرت مغبون=أطني وأكسّر والعوض بالجبيره
يالحر أنا ماني من اللي يروغون=وقت الشدايد سيف وإنزع جفيره
إليا إنتخى المظيوم في حزّة العون=يبشر بعزّن مايبي عز غيره
رجلن أعرف السلم والناس يدرون=تاريخنا معروف في كل ديره
من روس قومن للطويلات يرقون=وأفعالهم تكفيك عن كل سيره
لاشك مانسكت لناسن يعيلون=وسيوفنا وقت اللوازم شطيره
[[ شمّر هل الطولات وإبليس ملعون=نرقى النوايف والنوايف عسيره ]]
ينبيك عن فعل السناعيس مليون=صيدات [[ صرخه ]] والضحايا كثيره
هذا وأنا ماني على مايقولون=أجحد فعل غيري ليا هد طيره
شف أسفل التوقيع وتعرف وشلون=مادامت لصدّام وأخو منيره
ردّيت أنا يالذيب من شان يدرون=الرد مايصعب علي إتعبيره
جيت بشموخ العز يامن تنادون=[[لجلك ولجل البوح]] جبت السفيره
تمّت وباق الناس لا مايهونون=المرجله في كل قوم وعشيره

الموضوع الأصلي: إركــد ياجن,,,ردّي على الحر القطامي,, || الكاتب: بدر عليان || المصدر: منتديات الأماكن

المصدر: منتديات الأماكن