من غرفة التوقيف دزّيت الأبيات=على شمال المملكه سقت الألحان
منّي لإبن سوقي سلام وتحيات=عبر الفضا تسبق غيومه والأمزان
صيتك كشف بالجو مثل المجرّات=طيبك قديم ولهل الطيب عنوان
ورسالتن ممزوجتن بالمعانات=حصري لإبن سوقي عضيدي كحيلان
الحال يابو سعود ماهي سهالات=ضاقت علي ياخوك وأصبحت بحلان
البال رقم حساب رصيد آهات=وكن الضلوع العوج صرّاف طفران
سالب وناسه موجبه بالتعاسات=والهم متميّز وعميل بطران
الهم يرسل للمحاني حوالات=يزيد راس المال وإتزيد الأحزان
ولابقى للموت ياكود لحظات=وسط البحر غرقان والناس عميان
الذيب حدنّه على [ القيد ] نكبات=وماظنّتي ترضاه ياطير حوران
من لي ثلاث سنين أجر الأصوات=أزعج ولكن يرجع الصوت خجلان
كنّه مثل ماراح يعود بإسكات=تردّه الجدران واقفال بيبان
وخلاف ذا يامسندي بالصعيبات=صبري نفذ والموت شفته بالأعيان
شف القظيّه دقّرت بالوزارات=وامسيت أنا ياحمود غادي وظميان
وختامها ياحمود عندي سؤالات=ملزوم تقراها بتدقيق وإمعان
تقدر تشيل حمول كبر [ السراوات ]؟؟؟=ماظنّتي ياحمود يقواه الإنسان
شلته أنا ياحمود في ظرف لحظات=من [ كلبشوني ] شلتها فوق الأمتان
وصلات ربّي عد نبت النباتات=على الرسول إعداد ماصام الإنسان

الموضوع الأصلي: صــبــري نـــفـــذ,,, || الكاتب: بدر عليان || المصدر: منتديات الأماكن

المصدر: منتديات الأماكن