أهلين أخوي السحاب

في الصراحة أنا ما قريت موضوعك مزبوط ولا بتركيز شديد

لأني القصة هادي سامعة فيها أنا

وأتوقع إنه نفس اللي سمعته هوا اللي انت كاتبه

على كل مهما يكون الإنسان لازم يحط في باله إنه أهم شيء الدين والأخلاق

لو مافي الخصلتين دي في الزوج ماحتستفيد الزوجة ولا حتجيها سعادة

لا من ماله ولا من جماله ولا من نسبه

وفي ديننا مافي فرق بين الإنسان وأخوه الإنسان إلا بالتقوى

وربي فضل المسلمين على بعض بحيث يكون ذلك من قوة إيمانهم وخوفهم من الله عز وجل

يمكن أنا راح أخرج شوية عن الموضوع لكن تابع للموضوع الأساسي

العالم هنا ماعاد صارت تعطي للأخلاق ولا للدين قيمة وللأسف

صار العريس اللقطة هوا اللي بالسيارة وبالنسب والفيلا والمهر والشكل

في حكاية القصة اللي حصلت مسألة التزوير زي ما ذكرت

فديننا محرم دا الموضوع أساسا

أي شيء فيه تزوير فهو نوع من أنواع الغش ( من غشنا فليس منا )

غير كدا ايش يبغوا لبنتهم إلا زوج صالح تقي

وعيشة سعيدة ... والرجال زي ما وعد فعل

وكان نعم الزوج بدليل إن زوجته كانت رافضة الطلاق وكان هوا كمان متمسك بيها

لكن حسبي الله ونعم الوكيل في العصبية القبلية دي اللي ناكبة العالم

ايش فادتهم عصبيتهم ؟؟؟ لا فالح مع أخت ولا مع أهل

وفي مسالة كفاءة النسب

فانا سمعت والله العالم إنه في فتوى لابن باز الله يرحمه

حرم فيها زواج القبيلية من غير القبيلي وذلك سداً للذرائع

ولما في هدا الموضوع من الشر الكبير الناتج عقبه

هذا فماكان في كلامي من صواب فمن الله وما كان فيه من خطأ فمني ومن الشيطان الرجيم

سبحانك اللهم وبحمدك أشهد أن لا إله إلا أنت أستغفرك وأتوب إليك

تحياتي

... غ ...