أنا إنسان مع نفسي قبل ماأكون معك إنسان..
ولي مبدأ ولي نظره وتحكمني قناعاتي..
أحاسيسي حقيقيه ثابته بالوصل والهجران..
أنا طبعي إذا حبيت أحب بكل حالاتي..
منادي والنداء نابع من الوجدان للوجدان..
إذا ماينطق إحساسي حديثي يشبه سكاتي..
غموضي في الهوا تصريح سره يفضح الكتمان..
ونظرات الوله والوجد هي أجمل عباراتي..
ولا أجامل بأحاسيسي ولا أقبل بالهوا إحسان..
ولا للمصلحه ياسيدي دور بعلاقاتي..
أحب الصدق وأعمل به كسبت أو كنت أنا الخسران..
ولو صدقي يخسرني تشرفني خساراتي..
ولو ينسى زماني مانسيت الشوق والخلان..
رفيق العمر لو يقسى معاناته معاناتي..
على كثر الخطا غافر ولا أغفر غلطة الخوان..
جزاه الصد والفرقا ولو عاندت رغباتي..
ولولا العفو ماخطينا ولا نحيا بلا غفران..
خطايانا دليل إنا بشر وإن الخطا ذاتي..
على صدر الزمن بكتب شعوري موعد وعنوان..
تعرف الشوق لو صارحتك بسر إبتساماتي..
هلا بك ياأصدق شعور دخل قلبي بلا إستئذان..
هلا بك يالصديق اللي نثر وجهه على أوراقي..
وفت لك كل أحاسيسي ولا بعد الوفا نكران..
وسمعي بالوفا يخرس حروف الود بشفاتي..
أحبك..والهوا نعمه وحبك نعمة الرحمن..
ولو كان الهوا غلطه..حبك كل غلطاتي..

وسلامتكم..
صح لساني..