بدآية ..:

نشوة رضا . ! رشفة وهم . ! نكهة أحـزان
ـ إحـسـاس مـدري ويـش اسـمـيـه جـانـي ـ

من كثر أحس إنـي مـع إحـسـاسـي إنسـان
أحـس ان احـسـاسـي انـسـان ثـانـي .. !!

اسـمـع بـصـمتي عـزف مـوسـيـقـة أوزان
وارسـم صـداهـا فـي ضـلوع الـمـعـانـي

وشـلـون الّونـهـا..؟ وانا مـالـي الـوان
غـيـر الـبـيـاض وحـلـمـي الارجـوانـي

.
.

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

.
.

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

.
.

كِذَبْ .. من قال : مـا أحبك .! , وفيني ( ما أظنَّه ) حس ......
كأنه حْبَّنا : جيشٍ كبير : وحضرته / جاسوس !!

حبيبي . . .
طالبك لقِّن عذولي , و , حاسدي كم درس .....
أبي ترجع و تقراني من " عيوني " بلا قاموس ,

يا غالي . . .
وش تبي أكثر ؟ يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,

غيابك : ليل : يا وجه القمر , وإلا , يا طهر الشمس .....
سواد / وظلمةٍ عيَّى يفيد ..... ويضوي الفانوس

كِسَرني البُعد , و , أشواقي !! رغم إنِّي " عزيز النفـس "
حبيبي . . .
كل ما أنسى ! يذكرني بك الطاووس

.
.

ما أبي من زود حُبي .../ أربكك !
لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
أدري إنِّك واقع / وتطري البيوت ..

يا عيون الريم وشلون أشبكك ؟!
من يشوفك قال : ما شا الله توت ..!

إنت فكره و ماني قادر أحبكك
فوت في قلبي .. بلا إستئذان فوت !

في حياتي ,, صرت دايم ( أدركك ) !
أشبعك وأجوع لك وأعطيك " قوت "

لو طريقك يتعِب القلب أسلكك
بعد صوتك ما يعوِّض أيّ صوت !!

أدري يا قلبي .. غيابه / يهلكك ..
داخلك عايش .... وفي حالة ثبوت !

كيف أعبِّر عن شعوري و " أملكك " ؟!
خايف أتكلَّم .. يداهمني .. السكوت !

لو يقولوا .. [ يا أموت أو أتركك ] ....؟!
والله إنِّي من غلاتك .. راح أموت !!

.
.

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

.
.

بقّيت لي بغياب روحك ... مساكين !
عيني .. وقلبي .. والأمل ... والأماني !!؟ كنّ الثواني ... في غيابك سكاكين !
ليتك تذوق شوي .... / طعم الثواني ! القلب ماهو قلب والعين .. مو عين !
حتى مكاني ... ماأحسّه ... / مكاني ! شفني على جال السهر أنطرك لين !
حسيت بان الجال .. / يصفق عشاني ! مديت قلبي ! قبل لاآمدّ ...... يدّين !
وطلبت كلي ! . قلت : جالك .. هذاني !

والحين شفنا وين !؟ .. واحلامنا وين !
ضعنا اندوّر ... للسعادة ....../ مواني ! وش بيننا !؟ إلا التعب واسود البين !؟
وشي ٍ لعب في حسبتي .. واحتواني ! كل شي بكاني من غيابك إلى اللحين !
حتى عدوي ! .. من غيابك ../ بكاني !! ماعاد تفرق جرح واحد ! ... وجرحين !
الموت واحد .. له عذابك .... / خذاني ! ياصاحبي .. يكفي غيابك .. وبعدين !؟
ماخفت ربك بس ... " أنت و زماني " !؟

.
.

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك

.
.

مايتعبني غيابك }
يا بعيد !!
دام صار البعد ..
من سبة " عناد "
غيب عا ا ا ا دي
هذا مو شي جديد !
حنا خلقه يـامقاطعني بـعاد ..
دام في قلبك أنا ماني الوحيد !
ليه أعور راسي ..
و احساسك جمـاد ؟
{ أحترق لك وأدري ناري ماتفيد
غيري ياما صار من حبك رماد !

كان " فيني "
حلم لكن مايبيني
كان حلمي ..
ألمس الغيم بـ يديني
ماحصل هالحلم لكن :
صار هذا الحلم يحلم ,
يلقى في صدري مساكن
كان بُعدك غيم داكن }
بس هذي الريح نقمة
شتتت هـ الشوف فيني
لين ماضجيت ساكن !

اسألك بــ اللي زرعني في دروبك
أنت وينك ؟?
وينها أقدامك ؟
يدينك ؟
كنت أكثر من يصادق ضحكته
و الأمنيات .. !
صرت أكثر من هو ممكن ..
لو ضحكت انه يدينك !
كنت أكرم شخص ممكن ..
مع نواياه و شعوره
صرت أكثر حاسدينك !!
ياخي بـ الله
أنت وينك ؟?

أنا ويـني ؟
و أنت وين ؟
آآآآه
يا طول المسافه
آآآآه
يا بُعد الطريق
الدروب اللي جمعتنا ..
ليه ضاقت ؟!
و ليه بس قلوبنا
صارت تخاف ؟
و الأماني اللي رويناها
أمست " جفاف "
و الله و الله .. ضايـق يا بشر ..
و ضاق فيني هـ الصبر !
وماتغير أي شي ..
هذا انت
و هذا انا .. !!
و بيننا [ كومة مآسي ]
.. جرح / ياس / خوف / ألم ..
و احتضار !

.
.

ما ابيك غيوم صيف ..
و ما أبيك تكون ضيف !
ودي يا عمري أعـيشك ..
لا تقول : الحين كـيـف ؟
تــرجـم الإحساس ..
صـرّح !
قبل ما تنـوي تروح !
لا تخليني معلق بالهوا
ثمن تروح !
~ من عـرفـتك
و الأغاني تعـزف [ الحـزن ]
و تـنـوح !
كل همي هو خيـالك
و الخيـال أصبح طموح
و رغم هذا ..
و رغم عني ..
أطـلبك
أنا أطلبك ..
مابي تـروح !
حتى لـو أصبح ~ خيالك
بـس هـو كل الطمـوح !
تكـفـى [ طـلبتك ] ياخلي
لا تروح !

.
.

ان لقيت انسان مثلي مايخون الود ..
حـبه !
وقتها بتعرف قيمة
من تهاونت بـ فراقه } !
كل جرح ٍ من فراقك
لانويت اجيب طبه
بذكر أنك " كنت غالي "
و كنت لـ القلب اشتياقه ,

.
.

آمانه / يا طيور الصبح .. زوري صاحبي النايم
و غني له .. آغاني الحب لين تفتح عيونه

و قولي له / ترى عقلي متيم والفكر هايم
وقلبي .. آآه .. ياقلبي عسى الله يكون في عونه

آمانه / يا طيور الحب .. قولي له وهو قايم
ترى في شخص يدعي له بكل الخير ومايخونه

يآ صبآح الخييـر يآ { عطر الصبى ,!
قلبي بذكرآك .., والله مآ نسى ..

وإن نسيتك مآ يطآوعني [ النسى ! ]
ولو قطعت الوصل ., يقتلني ., الأسى !

الغلآ بالقلــب .. بأوتآده رسى ,
عسآك بألف خيـر يآ بعد عمري ,. عسـى

.
.

نهــآية ..:

على موانئ الظمأ جفت مشاعرنا
موج الرجا ما عرف وجهة موانينا

يا ما .. ويا ما مع الآمال هاجرنا
ويا ما رجعنا وحنا دون أمانينا

.
.