يارب يامعبود يارازق الطير= اليوم جمعه وانت علام الاسرار
زرع(ن) زرعته والحصيله مخاسير=وقفيت ماكني طلبته من الدار
خمسة اسنين والبدايات تغرير=فيها الحقايق مشرقه كنها انوار
وصديت ماكني فهمت التقارير=يعني غشيم وغاص في غب الابحار
وحاولت ادور للجريحين تبرير=بنت(ن) وشايب والثعالب لها كار
سالت قالوا ياولد مابه الخير=ماهو شرف دامه رفيقك لهم زار
وقلت ابتعد والله معك بالتباشير=وسكن اديارن كلها عشب وازهار
واختار له دار(ن)تلم الدناقير=ولافاح منها علم طيب(ن) ولا كتار
وحاولت اراقب خطوته وحفظ الزير=ورفض يصارحني على شبة النار
وقام ايتعذر والمعاذير تستير= لا ذي ولاذي لعبة البس والفار
نفسي عزيزه ولا رضيت المخاشير=يعني عزيز النفس من نسل الاحرار
مع السلامه وحفظ السر في بير=ضحية التصفيق عمرك على الطار
من كثر ماجارت علينا المقادير=وياما وطينا من عسيرات الاخطار
عادي نعيش ولاشكينا تعازير=ونقراء كتاب الله ونقول الاذكار
الله قادر واليالي مداوير=ويوم التغابن يوم زوغات الابصار
هناك موعد دعوتي والتفاسير=وقول ياربي طعني وانا بار