لا تنتظر مني حكي ..
المس على صدري وتشوف

كم خفقه اتعبها الوقوف!
وكم عبره جتلك تشتكي!

المس على صدري شوي..
ترى الشعور اللي قتلني بغيبتك .. طوّل شوي!

شف كيف عيني تنكسر..
والخاطر اللي منكسر

قلبي.. واحساسي .. وانا!
شف كيف جرّحنا الظما..

ياصاحبي قلبك عمى!
والا انت ماودك تشوف؟

عطني يدك ..اشتقتها ..
لو تدري كيف احتجتها..

احتجتها وعييت اقول!
وان قلت .. خالفني الكلام!

خايف علي من قسوتك..
... يا قوتك!
شفني بعد ما مرّ عام!

والشوق مامل وتعب ..
خذني وعلمني الكذب

وإني انا ما عاد احب!
وان الكلام اللي مضى

ماضي ولا اظنه يعود ..!
والا تعال احضن يدك ..

واسمعني لا قلت وحكيت
واسمح لي لا مني بكيت!
ياصاحبي ليتك تعود ..

رجع لي قلبي .. ولا تعود
وان ما حصل لك مرني..

والمس على صدري وشوف..
وش كثر بعدك ضرني !

ولا تنتظر مني حكي !!!!

يالخفوق اللي تشكّى ..
مت خلاص ..
دام مالي فيك حيله ..
ومالي من همّك خلاص



تحمل هاللقا واسمع كلام الضايق المخنوق
ابي تسمع كلامي.. وبعدها لاتلمس يميني


امانه لاطريت بخاطرك ودي تطالـع فوق
وتذكر ربك اللي في غيابك كيف مبليني!


وتذكر وش كثر مابي من عتاب وحنين وشوق
واذا ودك تعرف اللي بقى..بس ناظر ف عيني


وطالع كـم دمعه وقفت في جفـني المحروق
وطالع كـم دمعه ودعت في راحـة يديني


انا وش حاجة عيوني لدمـوع ان مابقى مخلوق
سـواك اذرف له اغلى ماعلي وماعلى سنيني!


انا وان غبت وين القى صباح !و وين لي بشروق!
ولا ادري لا رحلت شلون ابلقى فرحةٍ فيني!



ياخلي ..!
يابعد كل النظر!
شف طيرك المطلوق ..
تعب يلقى سما تحضن حنانه .. وجاك يشكيني!



وامانه لا طريت بخاطرك ..ودي تطالع فوق
وتاخذ طيرك المطلوق..بين يديك.. وتجيني