ياللي على المسن حظرت اتصالي = منعت وصلي خابرين المنوعه
كريم وصلك للمضيف الموالي = والحر تنطر له رجات وخضوعه
الامر من بيني وبينك تسالي = لاتفتكر واقع في جوفي وقوعه
هذا الزمن فيه البشر كالرمالي = تعطي ضنونن والضماير قنوعه
في عيونهم كل الخلايق غوالي = ومنطوقهم حالي وراقي وروعه
يالله انا عبدك رجيتك..بحالي = لاتبتلي بالشين وهرج الميوعه
والخافي اعظم ياضعيف المنالي = واعرف ترا المقفي ليا اقفى نلوعه
لكن تأكد كل مافات خالي = لاشوق ولاحبن لقلبي رجوعه
الله عليمن ماتحسر وصالي = الا لمليك القلب وغاية ربوعه
محبوبتي مطنوختي كالغزالي = ماغيرها حالي تمنى رجوعه
دايم وهي تطري وتلعب في بالي = لايابعد قلب القطامي وضلوعه
وخلك على منع لجهات اتصالي = انا غنين عنك ولالي جيوعه
مادام خلي اطعمه طعم حالي = وجه على وجهتك وهات القطوعه