البارحه وهموم قلبي طوابير=وماعاد أميّز شامها من يمنهاا
قمت ابدع ابيوت القصايد مباكير=لعيون من زار الضلوع وسكنهاا
سيد البنات المترفات الغنادير=غرنوق بدو(ن) واهني من حضنهاا
احبها والحب حشمه وتقدير=وحسرتي ياليتني في وطنهاا
يابعدها عني وقول المقادير=يرضابها المسلم ولو مات منهاا
واليوم لا والله ماني على خير=وان راهنت والله لكسب رهنهاا
بيت الهوى هبت عليه المعاصير=حطم غلاها في حشاي ودفنهاا
طبعي كذا ماحسب حساب المخاسير=وليا نحلت دار العرب رحت عنهاا
ولا بقى من ذكرياتك سوى غير=طعنت يدك ملزوم تدفع ثمنهاا
ولا عذاب القلب ومخالف السير=مغير اغنيها وردد لحنهاا
والحين سرّ الزير مع واتر الزير=ماطعتني واصيح يازين صنهاا
لاتعتذر معاد فيها معاذير=شدت مظاهير البدو عن وطنهاا
ماجيت يوم بلال حبّ ومباهير=وشلون قلبك يالغضي مامكنهاا
ترى الهواوي خافقه يشبه الطير=إن جاع طار وحاجته ماضمنهاا
مغير الصور حاله البعد تصوير=مثل الخلوج اللي تردى زمنهاا
مات القعود وحالها فيه تعزير=تتنى ولدها قبل يحلب لبنهاا
حبك خطا يحتاج وقفه وتفكير=والله بلى روحي وعندك رهنهاا
لابد يوم اصخر القلب تصخير=والنفس ببعدهاا عن اللي طعنهاا
كبوّة جواد أو سمها خون تعبير=بس الوكاد اني تعلمت منهاا
مات الهوى في داخلي والمعاصير=حطم غلاها في حشاي ودفنهاا

الموضوع الأصلي: حبك خطاأ يحتاج وقفه وتعديل || الكاتب: ][بَكَرهَ يم‘ـرَِكً قطآرُ ألمؤتّ وّتسَآفرًَِ ][ || المصدر: منتديات الأماكن

المصدر: منتديات الأماكن