اولاً اعتذر على التأخير بالرد

ولكن كنت اتمنى ان يكون ردي اضافة لموضوع مميز وليس مجرد مشاركة

********

1/كيف هي قهوتكم ؟؟

بخير وعافيه وتسلم عليك

جربت انواع كثير ولكن لم يعجبني اغلبها

حقيقة انا من عشاق القهوة التركية ولا يعجبني سواها

ملاحظه : عندما لا يكون لقهوتي وجه .. لا اشربها بل اطلب فنجال اخر

نعم فقهوتي تؤم ليومي واحتسي منها من ثلاث الى اربع فناجل يومياً

بالنسبي لي وبما اني اتكلم عن القهوة التركية ففنجالها يجب ان يكون جذاب وجميل لتكتمل المعانقه

5/عبر عن عشقك للقهوه ببيت شعر او صوره..!

ياكليب شب النار ياكليب شبه = عليك شبة والحطب لك يجابـي

هذه القصه امل اني افيدكم بها :-
على وقت الامير محمد العبدالله الرشيد ذاع صيت / دغيم الضلماوي الشلاقي الشمري ذاع صيته بالكرم وخاصة القهوة اللي يقول به :-

ياكليب شب النار ياكليب شبه = عليك شبة والحطب لك يجابـي
وعلي أنا ياكليب هيله وحبه = وعليك تقليـط الـدلال العذابـي
وادغث لها ياكليب من سمر جبه = وشبة الي منه غفى كل هابـي
باغي ليا شبيتها ثـم قبـة = تجلـب لنـا ربعـا سـراة غيابـي
بنسريةً ياكليب صلفا مهبه = لاهـب نسناسـه تقـل سـم دابـي
سراة بليـل وناطحيـن مهبـه = متكنفيـن وشوقهـم بالعذابـي
الوالمة ياكليب عجل بصبه = والرزق عند اللي ينشى السحابـي
صبة لقرما صرفته ماحسبه = يوم البخيل مكنهب الوجـة هابـي
وصبة لمنعورين ليا جاة نبة = يرخص بعمره والدخل لها ضبابي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة =يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى ايش لو يلبس وبينن وجبه = معيرة على غضير الشبابـي
أنا لقيت الصبر يازين غبه =يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي وهذا مطبه = من قبـل مايسفـح علينـا الترابـي

الوالمه يا كليب عجل بصبه = والرزق عند الليي ينشى السحابي

يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته
ويوم جاء تالي الليل الا يوم نوخوا على الضلماوي فقام الضلماوي ورحب بهم يوم دخلو الرقة وشاف الامير محمد الوجار
الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .
قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله

6/هل انت من منهم مبدعون في تجهيزالقهوه ضع لنا وصفتك الخاصه؟؟