لو تدري الشوق وش سوّابي بغيابك
ما كنت ترحل ولا تطري السفر مرّه

كسّرني الشوق حطمني من أسبابك
منهار كلّي ولو أعجبك من برّه

مواني القلب مشتاقه لأسرابك
بعدك ترى من فلول الشوق منضرّه

يا كثر ماني مجهّز حكي لعتابك
كأن قلبي من الأشواق به حرّه

أقول : خلّه يجي ويوم الولي جابك
ما عاد باقي عتب بالصدر لو ذرّه

رجّعك ربّي عشان عيون أحبابك
الله كريم وغيابك يكفني شرّه

إن غبت ثاني إبي تزرعني بأهدابك
يا حلو قربك وبعدك حيل يا مرّه



اتمنى تنال اعجابكم




العطشان